فوتو: EADaily

گۇلنارا كارىموۆا ءىسى بويىنشا شۆەيتساريا باس پروكراتۋراسى وزبەكستان بيلىگىمەن بىرلەسىپ جۇمىس ىستەيتىن بولدى، دەپ حابارلايدى centre1.com اقپارات كوزى.

شۆەيتساريا باس پروكۋراتۋراسى كارىموۆا ءىسى بويىنشا وزبەكستان تاراپى جىبەرگەن ءوتىنىشتى قابىل العان. بىراق شۆەيتساريا پروكۋراتۋراسى گۇلنارا كارىموۆانىڭ جاساعان قىلمىستارى دالەلدەنبەگەنشە وعان كىناسىزدىك پرەزۋمپتسياسى شەڭبەرىندە قارايتىنىن مالىمدەگەن.

ەستەرىڭىزگە سالايىق، شۆەيتساريا پروكۋراتۋراسى گۇلنارا كارىموۆانىڭ ۇستىنەن قىلمىستىق ءىستى 2012 جىلى قوزعاعان بولاتىن. بىراق ول كەزدە وزبەكستان بيلىگى بۇل ىسكە نازار اۋدارماعان ەدى.

ازىرگە گۇلنارا كارىموۆانىڭ تۇتقىندالۋىنا بايلانىستى ونىڭ اناسى تاتيانا مەن ءسىڭىلىسى لولانىڭ قانداي كوزقاراستا ەكەنى بەلگىسىز. قازىرگى تاڭدا گۇلنارا كارىموۆانىڭ دەنساۋلىعى مەن ومىرىنە لوندوندا تۇراتىن ۇلى يسلام مەن وزبەكستانداعى قىزى يمان الاڭداۋشىلىق بىلدىرۋدە.

“The Qazaq Times”