فوتو: time.kz

قازاقستاندىق اۆتووندىرۋشىلەردەن تۇسكەن سالىق ءتۇسىمى 1,2 ملرد تەڭگەدەن استى. مۇنداي مالىمەتتى "قازاۆتوپروم" كەلتىرىپ وتىر.

ۆەدومستۆونىڭ مالىمەتىنشە، قازاقستاننىڭ اۆتو سالاسىنداعى ەڭ كوپ سالىق تولەۋشى - "ازيااۆتو". كومپانيا مەملەكەت قازىناسىن 368 ملن تەڭگەگە تولتىرعان جانە وتاندىق اۆتوونىرۋشلەردەن تۇسكەن جالپى سالىقتىڭ 30,4 پايىزى وسى كومپانياعا تيەسىلى. سالىق تولەگەن اۆتووندىرۋشىلەر ىشىندە ەكىنشى ورىندا "سارىارقااۆتوپروم" زاۋىتى - 240,7 ملن تەڭگە سالىق تولەگەن. ال "سەماز" زاۋىتىنىڭ تولەگەن سالىعى - 163,8 ملرد تەڭگە.

سونداي-اق، سالىق تولەگەن اۆتووندىرۋشىلەردىڭ ءتىزىمىن Hyundai Com Trans Kazakhstan (143,8 ملن تەڭگە، 11,9%), كاماز-ينجينيرينگ (130,9 ملن تەڭگە، 10,8%), "اگروماشحولدينگ" (66,7 ملن تەڭگە، 5,5%), Daewoo Bus Kazakhstan (55,4 ملن تەڭگە، 4,6%) جانە "ۋرالسكاگرورەمماش" (40,6 ملن تەڭگە، 3,4%) تولىقتىرادى.

“The Qazaq Times”