رەسەي يرانعا وزىق ۇشاقتارىن ساتىپ بەرمەك

جاقىندا عانا يران رەسەيدەن ەڭ جاڭا ءارى وزىق ۇلگىدەگى 12 ۇشاق ساتىپ الۋ كەلىسىمىنە قول قوياتىنى تۋرالى مالىمدەگەن. بۇل تۋرالى «پارس.اقپارات» اگەنتتىگىنىڭ رەسمي سايتى حابارلاپ وتىر.

رەسەيدىڭ ەنەرگەتيكا ءمينيسترى جانە يران-رەسەي اراسىنداعى ورتاق ەكونوميكالىق سەرىكتەستىكتىڭ رەسەيلىك توراعاسى الەكساندردىڭ راستاۋىنشا، يران رەسەيدىڭ «سۋحوي سۋپەر-جەت–100» وزىق ۇشاقتارىن ساتىپ الۋ كەلىسىمىنە قول قويماق. ساتىپ الاتىن ۇشاقتاردىڭ اراسىندا سۋحوي سۋپەر-جەت -100 ۇشاعىنىڭ «FLY-BY-WIRE» تۇرىندە باسقارىلاتىن 100 ادامعا ارنالعان ۇشاق تا بار. بۇل  Air Bus ۇشاقتارىنان ەش ايىرماسى جوق.

يران اسكەري قۋاتىنا جاساعان ساراپتامامىزدا اتالعان ەلدىڭ اۋە كۇشتەرىنىڭ ءبىرشاما ءالسىز ەكەنىن، اسكەري ۇشاقتارىنىڭ ەسكىرگەنىن ايتىپ وتكەن ەدىك. بۇل رەت يراننىڭ رەسەيدەن ساتىپ الاتىن ۇشاقتارى اراسىندا اسكەري ۇشاقتاردىڭ دا بار. جولاۋشىلار ۇشاقتارىن ساتۋ ءىسى بويىنشا وسىعان دەيىن اقش-تىڭ ۇشاق بولشەكتەرىن وندىرۋشىلەردىڭ رۇقساتىن قاجەت ەتىپ كەلگەن. الايدا، رەسەي مەن يران اراسىنداعى بۇل رەتكى ساۋدا، امەريكالىقتاردىڭ رۇقساتىنسىز جۇزەگە اسسا كەرەك.

“The Qazaq Times”