فوتو: گولوس امەريكي

تۇركيا يراكتىڭ موسۋل جانە وزگە دە قالالارىن ءوز يەلىگىنە العىسى كەلەدى. بىراق انكارانىڭ بۇل ويى تەك ارمان عانا – دەپ مالىمدەدى يراك ۆيتسە-پرەزيدەنتى نۋري ءال-ماليكي.

«مەن يراكقا تۇركيا پەرزيدەنتى رەجەپ تايىپ ەردوعان كەلگەندە ايتقانمىن. تۇركيانىڭ يراكتاعى ەلشىسى ءبىزدى وسمان يمپەرياسىنىڭ بودانى رەتىندە كورەدى - دەپ. وسى اڭگىمەدەن كەيىن ولار باعدادتاعى ەلشىلەرىن اۋىستىردى. بىراق ول دا الدىڭعى ەلشىدەي يراكقا وسمان يمپەرياسىنىڭ كوزقاراسىمەن قارايدى. قازىرگى تاڭدا تۇركيا بيلىگى موسۋل قالاسىن ءوز قاراماقتارىنا الۋ ءۇشىن بارىن سالۋدا» - دەدى ءال-ماليكي ريا نوۆوستي اگەنتتىگىنى بەرگەن سۇحباتىندا.

يراك پەن تۇركيا قارىم-قاتىناسى 2015 جىلى انكارا باعدادتىڭ كەلىسىمىنسىز يراكتىڭ نايناۆا پروۆينتسياسىنا قاراستى باشيكا اۋدانىنا اسكەرىن كىرگىزگەننەن كەيىن بۇزىلعان ەدى.

بۇدان بولەك موسۋل قالاسى «يسلام مەملەكەتى» سودىرلارىنان ازات ەتىلگەن سوڭ يراك پرەمەر-ءمينيسترى تۇركيادان ەل اۋماعىنان اسكەرىن الىپ كەتۋدى سۇراعان بولاتىن.

“The Qazaq Times”