Фото: Голос Америки

Түркия Ирактың Мосул және өзге де қалаларын өз иелігіне алғысы келеді. Бірақ Анкараның бұл ойы тек арман ғана – деп мәлімдеді Ирак вице-президенті Нури әл-Малики.

«Мен Иракқа Түркия перзиденті Режеп Тайып Ердоған келгенде айтқанмын. Түркияның Ирактағы елшісі бізді Осман империясының боданы ретінде көреді - деп. Осы әңгімеден кейін олар Бағдадтағы елшілерін ауыстырды. Бірақ ол да алдыңғы елшідей Иракқа Осман империясының көзқарасымен қарайды. Қазіргі таңда Түркия билігі Мосул қаласын өз қарамақтарына алу үшін барын салуда» - деді Әл-Малики РИА новости агенттігіні берген сұхбатында.

Ирак пен Түркия қарым-қатынасы 2015 жылы Анкара Бағдадтың келісімінсіз Ирактың Найнава провинциясына қарасты Башика ауданына әскерін кіргізгеннен кейін бұзылған еді.

Бұдан бөлек Мосул қаласы «Ислам мемлекеті» содырларынан азат етілген соң Ирак премьер-министрі Түркиядан ел аумағынан әскерін алып кетуді сұраған болатын.

“The Qazaq Times”