فوتو: vestifinance.ru

وسى ۋاقىتقا دەيىن 1 ميللياردقا جۋىق ادام كەدەيلىكتەن ارىلعان. الايدا 760 ملن ادام الىدە كۇنىنە 1,9 دوللار عانا جۇمساي الاتىن كەدەيلىك دەڭگەيىندە. مۇنداي مالىمەتتى بىرىككەن ۇلتتار ۇيىمى كەلتىرىپ وتىر. 

ۇيىمنىڭ مالىمەتىنشە، 2000-2015 جىلدار ارالىعىندا انالار ءولىمى الەمدە 37 پايىزعا، بەس جاسقا دەيىنگى بالالار ءولىمى 44 پايىزعا تومەندەگەن.

الايدا بەس جاسقا دەيىنگى بالالاردىڭ كوپشىلىگى ءالى كۇنگە دەيىن تولىققاندى تاماقپەن قامتىلمايدى. ءتىپتى 2016 جىلى 155 مىلن بالانىڭ ءوسۋ قارقىنى باسەڭدەگەن، 05,9 ملن بالا بەس جاسقا كەلمەي قايتىس بولعان. سونداي-اق، وتكەن جىلى 30 مىڭ ايەل جۇكتى جانە تۋىت كەزىندە قايتىس بولعان.

بۇۇ-نىڭ مالىمەتىنشە،  مەملەكەتتەر اراسىندا بولسىن، قالالار مەن اۋىلدار، ءتىپتى ەرلەر مەن ايەلدەر اراسىندا دا ورەكەنيەتتى قوعام تەڭ دارەجەدە قالىپتاسىپ وتىرعان جوق. وسىعان بايلانىستى بۇۇ: "كەدەيشىلىكتى جويۋ جانە بۇكىل الەمدە بارلىق ادامداردىڭ وركەنيەتىن قامتاماسىز ەتۋ ءۇشىن ءالسىز توپتاردىڭ قۇقىقتارى مەن مۇمكىندىكتەرىن كەڭەيتۋ ماڭىزدى", - دەيدى.

سونداي-اق، بۇۇ 2030 جىلعا دەيىنگى الەمنىڭ تۇراقتى دامۋىنا ارنالعان 17 ماقساتتى انىقتاعان. ال ۇيىم مۇشەلەرى بولسا «حالىقتىڭ اشتىق پەن كەدەيلىكتەن ارىلۋىنا جانە بارلىق ادامداردىڭ سالاۋاتتى ورتادا ءارى تەپە-تەڭدىكتە ءومىر سۇرۋىنە جاعداي جاسايمىز" دەپ ۋادە ەتكەن.

“The Qazaq Times”