يران پرەزيدەنتى حاسان رۋحاني.

يران پرەزيدەنتى حاسان ءرۋحانيدىڭ ءىنىسى "قارجى جىمقىردى" دەگەن كۇدىكپەن ۇستالدى.

Reuters اگەنتتىگىنىڭ مالىمەتىنشە، حاسان رۋحانيدىڭ ءىنىسى حۋسسەين فەرەيدۋن شىلدەنىڭ 16-سى كۇنى قارجىلىق قىلمىستارعا قاتىسى بار دەگەن كۇدىكپەن ۇستالعان.

AFP اگەنتتىگىنىڭ حابارلاۋىنشا، يران پروكۋراتۋراسى حۋسسەين فەرەيدۋندى پايىزسىز نەسيە الدى جانە ەكى بىردەي بانكتىڭ ديرەكتورلارىن زاڭسىز تاعايىندادى دەگەن كۇدىكپەن قاماۋعا العان.

فەرەيدۋن تاعايىنداعان ەكى بانكيردىڭ ءبىرى اسا ءىرى كولەمدەگى جەمقورلىق داۋىنا قاتىسى بار بولعاندىقتان جۇمىستان قۋىلعان. ال ەكىنشىسى مەملەكەتتىك ورگانداردىڭ قىزمەتكەرلەرىنە شامادان تىس جوعارى جالاقى تاعايىنداعانى ءۇشىن قىزمەتىنەن بوساتىلعان.

حۋسسەين فەرەيدۋن 2015 جىلى يرانىڭ اتوم باعدارلاماسى بويىنشا حالىقارالىق كەلىسسوزدەر دەليگاتسياسىننىڭ مۇشەسى بولعان. ول وسى ۋاقىتقا دەيىن يران پرەزيدەنتى حاسان ءرۋحانيدىڭ ەڭ جاقىن كەڭەسشىلەرىنىڭ ءبىرى بولىپ كەلگەن.

حاسان ءرۋحانيدىڭ جاقتاستارى حۋسسەين فەرەيدۋننىڭ قاماۋعا الىنۋىن "ەلدەگى كونسەرۆاتيۆتىك كۇشتەردىڭ ەل پرەزيدەنتىنىڭ بەدەلىن ءتۇسىرۋ ءۇشىن وسىنداي قادامدارعا بارىپ وتىر" دەپ ەسەپتەيدى.

“The Qazaq Times”