وڭتۇستىك قازاقستاندا جەمىس-جيدەك اگروپاركىن قۇرماق

وڭتۇستىك قازاقستان وبلىسىنىڭ اكىمدىگى مەن «شىمكەنت» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى جانە «اگرارلىق نەسيە كورپوراتسياسى» اق جانە  اراسىندا ىنتىماقتاستىق جونىندەگى ءۇش جاقتى مەموراندۋمعا قول قويىلدى، دەپ حابارلايدى وبلىس اكىمدىگىنىڭ ءباسپاسوز قىزمەتى.

ونداعى ماقسات -  وڭتۇستىك قازاقستان وبلىسىندا جەمىس-جيدەك ساقتاۋ قويمالارىن سالىپ، الما  باقتارىن، وڭدەۋ كاسىپورىندارى مەن ارالاس ءوندىرىستى دامىتۋ بولىپ تابىلادى.

ۇشجاقتى كەلىسىمگە ساي وڭتۇستىك قازاقستان وبلىسىنىڭ اكىمدىگى جەر ۋچاسكەلەرىن بەرىپ، ينفراقۇرىلىم مەن عيمارات قۇرىلىسىنا جاۋاپتى بولسا،  «شىمكەنت» الەۋمەتتىك-كاسىپكەرلىك كورپوراتسياسى»ۇق» اق جوبانىڭ وپەراتورى رەتىندە ينۆەستورلار تارتىپ، قارجى ءبولىپ، اگروسالادا ەڭبەك ەتىپ جۇرگەن شارۋا قوجالىقتارىمەن كەلىسىمگە تۇرۋدى ءوز موينىنا الىپ وتىر. ال «اگرارلىق نەسيە كورپوراتسياسى» اق كليەنتتەردى تارتىپ، ەكسپورتقا باعدارلانعان «اگروەكسپورت» باعدارلاماسى بويىنشا جەڭىلدىكپەن قارجىلاندىرۋ جۇمىستارىن جۇزەگە اسىرماق.

بۇل كەلىسىم ءوز كەزەگىندە وڭىردەگى باۋ-باقشا شارۋاشىلىعىن دامىتىپ، جوعارى مۋلتيپليكاتيۆتىك ناتيجەگە قول جەتكىزۋگە سەپتىگىن تيگىزەدى.  بۇل – كونتەينەر جاساۋ، قاپتاۋ، تەحنيكانى قۇراستىرۋ، تامشىلاتىپ سۋارۋ جانە تاعى باسقا  وندىرىستەر بويىنشا جوبالاردى قۇرۋعا مۇمكىندىك بەرەدى.