كەشە، 9 قاڭتار كەشتە تسيۋريح قالاسىندا وتكەن فيفا-نىڭ 2016 جىلعى ماراپاتتاۋى بولىپ ءوتتى. بارلىق فوۋتبول جانكۇيەرلەرى اسىعا كۇتكەن بۇل جىل قورتىندىسى «جىلدىڭ ۇزدىك ويىنشىسىن» ماراپاتتاۋمەن قىزىقتى. بۇل نوميناتسياعا پورتۋگاليالىق الادوپ جۇلدىزى كريشتيانۋ رونالدۋعا بۇيىردى. ءوزىنىڭ باستى قارسىلاسى ليونەل مەسسيدەن 7,53 پايىز ارتىق داۋىسپەن، 2016 جىلدىڭ ۇزدىك ويىنشىسى اتاندى.
سىيلىقتى تاپسىرىپ العان كريشتيانۋ، ماراپاتتاۋ سالتىنا جينالعاندارعا ءوز قۋانىشىن ءبىلدىردى:
"مەن ەڭ اۋەلى ءوزىمنىڭ كوماندالاس دوستارىما راحمەت ايتقىم كەلەدى. ۇلتتىق قۇراماداعى جانە رەال مادريد كومانداسىنداعى ارىپتەستەرىمە، جاتتىقتىرۋشىما العىس ايتام. سونداي-اق، وسى زالعا كەلىپ وتىرعان وتباسىما، باۋىرىما، ۇلىما راحمەت ايتامىن. راحمەت! 2016 جىل مەنىڭ سپورتتتاعى ەڭ ءبىر كەرەمەت جىلىم بولدى. بۇل ماراپات ويىندى كورگەن بارلىق ادامنىڭ سوقىر ەمەس ەكەنىن كورسەتكەندەي. سەبەبى، مەن ۇلتتىق قۇرامامەن جانە بارلىق كومانداممەن جەڭىسكە جەتتىم. ءاربىر ادام ءوزىنىڭ جەكە ەرەكشەلىكتەرىن تولىق كورسەتتى. مەن بۇل ەرەكشە جىلدى ۇمىتۋعا ءتيىستى ەمەسپىن. ماعان داۋىس بەرگەن بارلىق ادامعا العىسىم شەكسىز. مەنىڭ باسقا كوپ ايتارىم جوق... مەنىڭشە، وسى ماراپاتتىڭ وزى ايتىلماعان سوزدەردى تولىقتىرادى دەپ دەپ ويلايمىن. مەن قۋانىپ ايقايلاي المايمىن... الايدا، مەن راسىندا قاتتى تەبىرەنىپ تۇرمىن".
وتباسىمەن. فوتو: Bdnews24.com
ول، جانە وسى ماراپاتتاۋعا كەلە الماعان «بارسەلونا» كومانداسىنداعىلارعا دا ءبىر ەكى اۋىز لەبىز ءبىلدىردى:
«بارسەلونادان» وسىندا، ءبىزدىڭ الدىمىزعا كەلە الماي قالعان ادامداردان كەشىرىم سۇرايمىن. بىراق بۇل تۇسىنىكتى جايت دەپ ويلايمىن.
"The Qazaq Times"
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى