مونعولياداعى پرەزيدەنت سايلاۋىندا حالتمااگين باتتۋلگا جەڭۋى مۇمكىن

مونعوليادا ءوتىپ جاتقان پرەزيدەنت سايلاۋىنىڭ ەكىنشى كەزەڭىنە قاتىستى الدىن الا مالىمەتتەر ۇسىنىلدى. 

«مونگوليا سەيچاس» پورتالىنىڭ جازۋىنشا، 7 شىلدە كۇنگى جەرگىلىكتى ۋاقىت بويىنشا  23:40-تا دەموكراتيالىق پارتيا كانديداتى حالتمااگين باتتۋلگا  580 داۋىس جيناعان، ال حالىق پارتياسىنىڭ كانديداتى  ميەەگومبىن ەنحبولد 468 مىڭ داۋىسقا يە بولعان.

دەموكراتيالىق پارتيا وكىلىن كوبىنە ۇلان-باتور تۇرعىندارى قولداپ وتىر، ال اۋىلدى جەرلەردە داۋىس سانى بويىنشا ەكى كانديدات تا تەپە-تەڭ كەلەدى. وسىلايشا حالتمااگين باتتۋلگا داۋىسى باسىم بولىپ تۇر.

ايتا كەتەيىك، مونعوليا تاريحىندا پرەزيدەنت سايلاۋى ءبىرىنشى رەت ەكى كەزەڭ بويىنشا وتكىزىلدى. ءبىرىنشى تۋردا ەشبىر كانديديات 50 پايىزدان اسا داۋىس جيناي الماعان.

سايلاۋدىڭ ەكىنشى تۋرىنا  38 پايىز داۋىس جيناعان مونعوليا دەموكراتيالىق پارتياسىنىڭ اتىنان قاتىسقان حالتمااگين باتتۋلگا مەن مونعوليا حالىقتىق پارتياسىنىڭ كوش باسشىسى ميەەگومبىن ەنحبولدا وتكەن بولاتىن. ەندى مونعوليا حالقى وسى ەكى ۇمىتكەر اراسىندا وزدەرىنىڭ بەسىنشى پرەزيدەنتتەرىن تاڭدايتىن بولادى.

“The Qazaq Times”