فوتو: forbes.kz

ەلباسى نۇرسۇلتان نازارباەۆ قازاقستاننىڭ سىرتقى ساياساتتا ۇستانعان باستى باعىتتارى جايىندا ايتتى.

نازارباەۆتىڭ ايتۋىنشا، تاۋەلسىزدىك العان 26 جىل ىشىندە قازاقستان الەمنىڭ 182 ەلىمەن دوستىق قارىم-قاتىناس ورناتقان. وسى ۋاقىت ارالىعىندا قازاقستان الەمنىڭ 57 مەملەكەتىندە ءوز ەلشىلىكتەرىن اشىقان. ال قازاقستان اۋماعىندا الەمنىڭ 95 مەملەكەتىنىڭ ەلشىلىكتەرى اشىلعان.

«قازىرگى تاڭدا ورتالىق ازيا دامۋدىڭ جاڭا دەڭگەيىنە كوتەرىلدى. بۇل تۇستا ءبىزدىڭ ۇستانعان باعىتىمىز باياعىداي. ءبىز الەمدىك دارەجەدە ورتالىق ازيا سالماعىن ارتتىرۋ ءۇشىن كورشىلەرىمىزبەن بىرىگىپ جۇمىس ىستەيتىن بولامىز. قازاقستاننىڭ ورتالىق ازياداعى باستى ارىپتەستەرى رەسەي مەن قىتاي بولىپ قالا بەرەدى.» - دەدى نۇرسۇلتان نازارباەۆ قر اككرەديتاتسيالانعان ديپلوماتيالىق وكىلدىكتەر باسشىلارىمەن كەزدەسۋىندە.

بۇدان بولەك نازارباەۆ الداعى ۋاقىتتا اقش جانە ەۋرووداقپەن ارىپتەستىگىن داماتىتىنىن جانە باۋىرلاس تۇركيا ەلىمەن دوستىق قارىم-قاتىناستى ودان ارى ارتتىرۋعا بار كۇشىن سالاتىنىن مالىمدەدى.

“The Qazaq Times”