ءتىس دارىگەرلەرىنىڭ تابىسى كوبەيگەن

قازاقستان ستوماتولوگتارىنىڭ تازا تابىسى 2016 جىلى 3 ملرد تەڭگەگە جەتكەن. بۇل رەسپۋبليكاداعى ءتىس دارىگەرلەرىنىڭ سوڭعى 5 جىلداعى رەكوردتىق كورسەتكىشى. 2015 جىلمەن سالىستىرعاندا تازا تابىس كولەمى 40,7%-عا وسكەن، دەپ حابارلايدى ranking.kz.

سونىمەن 2015 جىلمەن سالىستىرعاندا دەنساۋلىق ساقتاۋ سالاسىندا جۇمىس ىستەپ جاتقان مۇنداي كاسىپورىنداردىڭ تابىسى 7 ملرد تەڭگە بولعان. ال 2015 جىلى مەديتسينالىق مەكەمەلەر 2,6 ملرد تەڭگە شىعىنعا ۇشىراعان.

ستوماتولوگيا ۇيىمدارىنىڭ  تابىسقا جەتۋى 2016 جىلى حالىق تابىسىنىڭ وسۋىمەن بايلانىستى ەكەن. سونداي-اق، تابىستىڭ ارتۋىنا ستوماتولوگيا سالاسىندا ۇسىنىلاتىن قىزمەتتەر باعاسىنىڭ جوعارىلاۋى سەبەپ بولىپ وتىر. مىسالى 2016 جىلى ءتىس جۇلۋ قۇنى 2015 جىلعا قاراعاندا 10,5%-عا قىمباتتاپ كەتكەن.

وڭىرلەر تابىسىنا ءمان بەرسەك، الماتى ءبىر جىلدا تابىستى 3,5 ەسەگە ارتتىرىپ، 4,8 ملرد تەڭگەدەن 16,8 ملرد تەڭگەگە دەيىن كوبەيتكەن. اتىراۋ وبلىسىنداعى وسى سالادا قىزمەت ەتكەندەر تابىستى 28,1%-عا ارتتىرىپ، 1,1 ملرد تەڭگەگە جەتكىزدى. قوستانايداعى تابىس 23,7%*عا ارتىق  نەمەسە 2 ملرد تەڭگەنى قۇرادى.

“The Qazaq Times”