گەرمانيا بيلىگى تۇركيا پرەزيدەنتى رەجەپ تايىپ ەردوعاننىڭ G20 ءسامميتى كەزىندە گامبۋرگتە تۇراتىن تۇركيا ازاماتتارى الدىندا ءسوز سويلەۋگە بايلانىستى سۇراۋىن قابىلداماي تاستادى.

«شىلدەنىڭ 7-8 كۇندەرى گامبۋرگ قالاسىندا وتەتىن G20 ءسامميتى كەزىندە تۇركيا پرەزيدەنتى رەجەپ تايىپ ەردوعان گامبۋرگ قالاسىندا تۇراتىن وتانداستارى الدىندا ءسوز سويلەمەيدى.» بۇل جايىندا 29 ماۋسىم كۇنى گەرمانيا سىرتقى ىستەر ءمينيسترى زيگمار گابريەل مالىمدەدى.

زيگمار گابريەلدىڭ ايتۋىنشا، تۇركيا بيلىگى رەسمي بەرلينگە G20 ءسامميتى كەزىندە گەرمانيادا تۇراتىن تۇركيا ازاماتتارى الدىندا ەل پرەزيدەنتىنىڭ ءسوز سويلەۋىنە بايلانىستى رەسمي حات جولداعان. بىراق قازىرگى ۋاقىتتا ەكى ەل اراسىنداعى قارىم-قاتىسناس قايشىلىقتارىنا بايلانىستى بۇل ءوتىنىشتى قابىلداماعان.

“The Qazaq Times”