ميرزيەەۆ وزبەكستاندىق باق وكىلدەرىن قورىقپاي اقيقاتتى ايتۋعا شاقىردى

وزبەكستان پرەزيدەنتى شاۆحات ميرزيەەۆ جۋرناليستەر كۇنىندە باق وكىلدەرىن قوعامداعى وزەكتى ماسەلەلەردى ايتۋعا شىقىردى.

بۇگىن جۋرناليستەر كۇنى قارساڭىندا وزبەكستان پرەزيدەنتى شاۆحات ميرزيەەۆ وزبەكستاندىق باق وكىلدەرىنە قورىقپاي قوعامداعى بيۋروكراتيا، قارجى بوپسالاۋ، جەمقورلىق سىندى دۇنيەلەردى جازۋعا، ايتۋعا، جارىققا شىعارۋعا شاقىردى.

ميرزيەەۆتىڭ سوزىنشە، قازىرگى ۋاقىتتا وزبەكستاندا بيلىك حالىقپەن ديالوگقا كەلۋ ءۇشىن ءتۇرلى قادامدار جاساپ جاتىر. وسى تۇستا بۇقارالىق اقپارات قۇرالدارى حالىق پەن بيلىك اراسىنداعى التىن كوپىر بولۋى ءتيىس ەكەن.

وسىعان بايلانىستى شاۆحات ميرزيەەۆ الداعى ۋاقىتتا باق وكىلدەرىنىڭ ءرولىن ارتتىرۋ ءۇشىن زاڭ جۇزىندە، ماتەريالدى-تەحنيكالىق جانە وقۋ-مەتوديكالىق تۇرعىدان بارلىق جاعدايلار جاساماق.

ايتا كەتەتىن ءبىر جايت يسلام كارىموۆتىڭ كەزىندە وزبەكستان 27 جىل بويى تاۋەلسىز ءباسپاسوزسىز، ءسوز بوستاندىعىنسىز بولىپ كەلگەن بولاتىن.

“The Qazaq Times”