الەم بويىنشا اقش، رەسەي، قىتاي باسشىلارىن قولداۋ رەيتينگى ەڭ تومەن

ۋاشينگتوندا ورنالاسقان Pew Research Center ۇيىمى جاريالاعان جاڭا ساۋالناما ناتيجەسىندە، اقش پرەزيدەنتى دونالد ترامپنىڭ حالىقارالىق ساياساتىن 37 مەملەكەتتەگى ساۋالناماعا قاتىسۋشىلاردىڭ 22 پايىزى عانا قولداۋ بىلدىرگەن. بۇل كورسەتكىش باراك وباما تۇسىندا 64 پايىزدى قۇراعان ەدى. بۇل تۋرالى BBC اقپارات قىزمەتىنىڭ رەسمي سايتىندا جاريالاندى.

ترامپتىڭ حالىقارالىق ساياساتىنا نارازىلى بىلدىرۋشىلەر ەۋروپا، ازيا ەلدەرىمەن قوسا كورشىلەسى كانادا مەن مەكسيكادا دا بار. ال، اقش پرەزيدەنتىن قولداۋشىلار ەڭ تومەن ەلدەر قاتارىندا شۆەتسيا (10 %), گەرمانيا (11%) جانە نيدەرلاند (17%) ەلدەرى بار.

Pew Research Center جاريالاعان مالىمەتتە الەم ليدەرلەرىنىڭ اراسىندا قىتاي مەن رەسەي قاتارلى ەلدەردىڭ باسشىلارىن قولداۋشىلار سانى تومەن بولعان. ايتالىق، 37 ەلدەگى قاتىسۋشىلار قىتاي باسشىسى شي جينپيڭگە 28 پايىز قولداۋ كورسەتسە، پۋتينگە 27 پايىز ادام عانا داۋىس بەرگەن. الەم ليدەرلەرى اراسىندا گەرمانيا كانتسلەرى انگەلا مەركەلدىڭ ابرويى ەڭ جوعارى بولىپ تۇر. ونىڭ ساياساتىن 42 پايىز قاتىسۋشى قولداعان. ال، ەۋروپا ەلدەرى اراسىندا بۇل كورسەتكىش 60 پايىزدى قۇرادى.

“The Qazaq Times”