سىبايلاس جەمقورلىققا قارسى ءىس-قيمىل ۇلتتىق بيۋروسى استانا بويىنشا ىشكى مەملەكەتتىك اۋديت دەپارتامەنتىنىڭ باسشىسى ا.مەلدەبەكوۆتى رمك وكىلىنەن كەزەكتى رەت 3 ملن تەڭگە مولشەرىندە پارا الىپ جاتقان جەرىنەن ۇستادى. بۇل تۋرالى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءباسپاسوز قىزمەتى حابارلادى.

كۇدىكتى جۇيەلى نەگىزدە باس ماماندار - مەملەكەتتىك اۋديتورلار د.اپەيىسوۆا مەن ش.ءشامىلدىڭ قاتىسۋىمەن پارا الۋ قىلمىستىق سىزباسىن ۇيىمداستىرعان.

ا.مەلدەبەكوۆتىڭ قىزمەتتىك كابينەتى مەن تۇراتىن جەرىن ءتىنتۋ بارىسىندا 54 ملن تەڭگە مەن 120 مىڭ اقش دوللارى تابىلدى. ا.مەلدەبەكوۆ استانا ءىىد ۋاقىتشا ۇستاۋ اباقتىسىنا قامالدى. ال د.اپەيىسوۆا مەن ش.ءشامىل كىناسىن تولىق مويىنداعاندىقتان جانە كىشكەنتاي بالالارىنىڭ بولۋىنا بايلانىستى قاماۋعا الىنعان جوق.

سوتقا دەيىنگى تەرگەۋ جۇمىستارى جۇرگىزىلۋدە.

 “The Qazaq Times”