ەگەردە «يسلام مەملەكەتى» لاڭكەستىك ۇيىمىنىڭ كوسەمى ابۋ-باكر ءال-باعدادي شىنىمەندە ولگەن بولسا، وندا ونىڭ ورىنىنا ساددام حۋسەين اسكەرىندە وفيتسەرلىك قىزمەت اتقارعان ەكى ادامنىڭ ءبىرى ۇيىمعا باسشى بولۋى مۇمكىن.

وتكەن اپتادا رەسەي فەدەراتسياسىنىڭ قورعانىس مينيسترلىگى رف اسكەري اۋە كۇشتەرىنىڭ ءسۇريا اۋماعىندا «يسلام مەملەكەتى» سودىرلارىن بومبىلاۋى كەزىندە ۇيىم باسشىسى ابۋ-باكر ءال-باعدادي كوز جۇمدى دەگەن بولاتىن. ەگەردە بۇل اقپارات راس بولاتىن بولسا، وندا ونىڭ ورىنىنا ييادا ءال-وبەيدي نەمەسە ايادا ءال-جۋمەيلي كەلۋى مۇمكىن.

Reutres اقپارات اگەنتتىگىنىڭ مالىمەتىنشە، ابۋ-باكر ءال-باعداديدىڭ جاقتاستارى ييادا ءال-وبەيدي مەن ايادا ءال-جۋمەيلي يراكتى ساددام حۋسەين باسقارىپ تۇرعاندا وفيتسەرلىك قىزمەت اتقارعان.

قازىرگى تاڭدا 50 جاستاعى ييادا ءال-وبەيدي «يسلام مەملەكەتى» لاڭكەستىك ۇيىمىنىڭ اسكەر ءمينيسترى. ال 40 جاستاعى ايادا ءال-جۋمەيلي امنيا توبىنىڭ قاۋىپسىزدىك قىزمەتىن باسقارادى.

ييادا ءال-وبەيدي مەن ايادا ءال-جۋمەيلي 2003 جىلى يراكتاعى سالافيتتىك كوتەرىلىسشىلەر قوزعالىسىنىڭ قاتارىنا كىرگەن.

 “The Qazaq Times”