كەلن قالاسىنداعى مۇسىلمانداردىڭ تەرروريزمگە قارسى شەرۋى.

گەرمانيا استاناسى بەرليندە مۇسىلماندار شەرۋگە شىقتى دەپ حابارلايدى نەمىس تولقىنى اقپارات اگەنتتىگى.

ماۋسىمنىڭ 23 كۇنى بەرلين ورتالىعىنداعى جاندارمەنماركت الاڭىنا جەرگىلىكتى مۇسىلماندار ەكستريميزمگە قارسى شەرۋگە شىقتى. باستاپقىدا شەرۋگە 1500 ادام قاتىسادى دەلىنگەنىمەن الاڭعا 100-گە جۋىق قانا ادام جينالعان.

بۇعان دەيىن كەلن قالاسىندا  3 مىڭ مۇسىلمان تەرروريزمگە قارسىلىقتارىن ءبىلدىرىپ ەرەۋىل وتكىزگەن بولاتىن.

بەرليندە وتكەن شەرۋدى "گەرمانيا مۇسىلماندار ورتالىعىنىڭ كەڭەسى", "فرگ تۇرىكتەرى بىرلەستىگى" جانە مىسىرلىق بەلسەندى تارەك مۇحاممەد قولداعان.

ال "تۇرىك-يسلام ءدىني بىرلەستىگى" مەن "فرگ يسلام بىرلەستىگى" شەرۋگە قاتىسۋدان باس تارتقان. گەرمانيا كونستيتۋتسياسىن قورعاۋ فەدەرالدى ءبولىمى بۇل ۇيىمداردى ەكسترەميستىك ۇيىمداردىڭ قاتارىنا جاتقىزادى.

 “The Qazaq Times”