Кельн қаласындағы мұсылмандардың терроризмге қарсы шеруі.

Германия астанасы Берлинде мұсылмандар шеруге шықты деп хабарлайды Неміс толқыны ақпарат агенттігі.

Маусымның 23 күні Берлин орталығындағы Жандарменмаркт алаңына жергілікті мұсылмандар экстримизмге қарсы шеруге шықты. Бастапқыда шеруге 1500 адам қатысады делінгенімен алаңға 100-ге жуық қана адам жиналған.

Бұған дейін Кельн қаласында  3 мың мұсылман терроризмге қарсылықтарын білдіріп ереуіл өткізген болатын.

Берлинде өткен шеруді "Германия мұсылмандар орталығының кеңесі", "ФРГ түріктері бірлестігі" және мысырлық белсенді Тарек Мұхаммед қолдаған.

Ал "Түрік-ислам діни бірлестігі" мен "ФРГ ислам бірлестігі" шеруге қатысудан бас тартқан. Германия конституциясын қорғау федералды бөлімі бұл ұйымдарды экстремистік ұйымдардың қатарына жатқызады.

 “The Qazaq Times”