فوتو: © AFP 2017 / Amer Hilabi

ساۋد ارابياسى بيلىگى مەككە قالاسىندا بولا جازداعان تەررورلىق شابۋىلدىڭ الدىن العاندىعىن حابارلادى. 

ساۋد ارابياسى قۇقىق قورعاۋ ورگاندارىنىڭ مالىمەتىنشە، بەلگىسىز ادام پوليتسيا ول وتىرعان عيماراتتى قورشاۋعا العاندا ءوز-ءوزىن جارىپ جىبەرگەن. جارىلىس سالدارىنان 11 ادام جاراقات العان.

مەككە پوليتسياسىنىڭ بولجامىنشا جانكەشتى ءال-حارام مەشىتىنە لاڭكەستىك شابۋىل جاساماق بولعان. بىراق جەرگىلىكتى قۇقىق قورعاۋ ورگاندارى جارىلىستىڭ الدىن العان.

قازىرگى تاڭدا پوليتسيا ءال-حارام مەشىتىنە تەررورلىق شابۋىل جاساماقشى بولدى دەگەن كۇدىكپەن بەس ادامدى ۇستاعان.

 “The Qazaq Times”