بىرەۋگە وكپەلەۋ ءوز ابىرويىڭدى تۇسىرەدى. وكپەلەۋ سەنى جۇباتپايدى ءارى جاناشىرلىق سەزىم تۋدىرمايدى، قايتا باسقالاردىڭ شامىنا تيەدى جانە ولاردى تاكاپپارلاندىرا تۇسەدى. سونداي-اق، ءبىزدىڭ وكپەمىزدى تىڭداعانداردى ءبىز سياقتى وكپەلەۋگە جەلىكتىرەدى.

ءبىز بىرەۋگە وكپەلەگەندە ونىڭ ساعان جاساعان جاعىمسىز ءىسى كەشىرۋگە بولاتىن دۇنيە سەكىلدى بولىپ سەزىلەدى. بۇرىنعى ءجابىر-جاپاعا وكپەلەۋدىڭ سالدارى ەندىگى ءبىر جابىرگە تاپ بولۋعا يتەرمەلەيدى. وكپەلەۋشى بىرەۋدەن كومەك العىسى جانە قولداۋ تاپقىسى كەلگەنىمەن، وكپەڭدى ەستۋشى قىبى قانىپ وتىرۋى مۇمكىن. ءتىپتى، سەنى كوزگە ىلمەيدى. نەعۇرلىم كوپ ىلتيپاتقا بولەنۋ ءۇشىن باسقالاردىڭ ساعان جاساعان جاعىمدى ءىسىن ماقتاۋ عانا جاقسى ءادىس.

سەنىڭ باسقالاردى «ماعان جاقسىلىق جاسامادى» دەپ زارلانۋىڭ، سونىڭدى ەستۋشىدەن جاقسىلىق جانە ناپاقا دامەتكەنىڭ. اقىلدىلار ءوزىن قورلاۋدى نەمەسە كوزگە ىلمەۋدى اشىق ايتپايدى. قايتا باسقالاردىڭ وزىنە جاساعان قۇرمەتىن عانا اڭگىمەلەيدى. ءسويتىپ، ولار دوس تابادى جانە جاۋلارى ازايادى.

بالتاساردىڭ «پاراساتناما» كىتابىنان

اۋد. ابىلاش قاسىمبەك، قاۋسىلقان قاسىمقان

«The Qazaq Times»