يران وكىلى بۇۇ باس حاتشىسىنا تيللەرسوننىڭ ۇستىنەن شاعىم حات جازدى

بىرىككەن ۇلتتار ۇيىمىنداعى يراننىڭ تۇراقتى وكىلى بۇۇ باس حاتشىسىنا حات جولداپ، اقش مەملەكەتتىك حاتشىسى تيللەرسوننىڭ ير بيلىگىن قۇلاتۋدى كوزدەگەن ارانداتۋشىلىق سوزدەرى تۋرالى شاعىم ايتتى. بۇل تۋرالى سول ەلدىڭ «پارس.اقپارات» اگەنتتىگى حابارلاپ وتىر.

يراننىڭ بۇۇ-داعى وكىلى انتونيۋ كۋتەرريشكە جولداعان شاعىم حاتىندا: «رەكس تيللەرسوننىڭ بۇل دۇشپاندىق ۋاجدەرى ۆاشينگتوننىڭ دا، حالىقارالىق قۇقىقتىق زاڭ نورمالارىنا دا ساي كەلمەيدى. ءبىر ەلدىڭ لاۋازىمدى تۇلعاسى رەتىندە يراننىڭ ەگەمەندىگىنە، تۇتاستىعىنا جانە ىشكى ىسىنە قاراتا ارانداتۋشىلىق جاساپ وتىر»،– دەلىنگەن.

14 ماۋسىم كۇنگى اقش مەملەكەتتىك حاتشىسىنىڭ سويلەگەن ءسوزى، يران ۇكىمەتىنىڭ كۇشتى نارازىلىعىن تۋدىرعان ەدى. سودان بەرى يران جاقى بارلىق جولدار ارقىلى تيللەرسوننىڭ ءسوزىن ايىپتاپ، جەر جەبىرىنە جەتتى دەۋگە بولادى. تيللەرسونعا «ۋاشينگتون يرانداعى بىزگە كومەكتەسە الاتىن ادامداردى بار مۇمكىندىكتەرمەن قورعايدى» دەگەن ءسوزى يران جاعىنان «حالىقارالىق قۇقىقتاردى ءبۇلدىرۋ»، «ير رەجيمىن قۇلاتۋدى كوزدەگەن ارانداتۋشىلىق»  سىندى  ايىپتار تاعىپ وتىر.

“The Qazaq Times”