تۇركىمەنستان پرەزيدەنتى. فوتو: ازاتتىق راديوسى

تۇركىمەنستان پرەزيدەنتى گۋربانوعلى بەردىمۇحاممەدوۆ رامازان ايىنىڭ جانە قادىر ءتۇنىنىڭ قۇرمەتىنە جارلىق شىعارىپ، ەلدەگى 1299 قىلمىسكەرگە كەڭشىلىك ەتتى. بۇل تۋرالى سول ەلدىڭ «تۇركىمەنستان بۇگىن» اقپاراتتىق اگەنتتىگى حابارلايدى.

تۇركىمەنستان پرەزيدەنتى بۇل ءىسىن قايىرىمدىلىق، دوستىق جانە ادىلەتتىلىكتى ىسكە اسىرۋ دەپ اتادى. سونداي-اق، ول ۇكىمەتكە كەڭشىلىك العانداردى جۇمىسپەن قامتۋ تۋرالى بۇيرىق بەرگەن. سونىمەن بىرگە، قوعامنىڭ بىرلىگىن نىعايتۋ، سەنىمنىڭ تۇتاستىعىن قولداپ، ەل حالقىنىڭ ءدىني سەنىمىنە قۇرمەت ءبىلدىرۋ ءۇشىن جاسالعانىن ايتتى.

وسىعان دەيىن دە ۇلتتىق، ءدىني مەرەكەلەرگە بايلانىستى جازا وتەۋشىلەرگە كەڭشىلىك جاريالاۋ تۇركىمەنستان باسشىسىنىڭ ادەتىنە اينالعان.

“The Qazaq Times”