فوتو: ۆۆس.

سولتۇستىك كورەيا ساربازى وڭتۇستىك كورەياعا قاشىپ كەتتى دەپ حابارلايدى ۆۆس اقپارات قىزمەتى.

سولتۇستىك كورەيا ساربازى ەكى ەل اراسىن ءبولىپ تۇرعان حانگان وزەنى ارقىلى وڭتۇستىك كورەياعا وتكەن.

رەنحاپ اقپارات اگەنتتىگىنىڭ مالىمەتىنشە، وڭتۇستىك كورەيا اسكەريلەرى كحدر ساربازىن سەۋلدىڭ باتىسىندا ورنالاسقان كيمپحو قالاسىندا ۇستاعان.

وسىدان ءبىر اپتا بۇرىن تاعى ءبىر سولتۇستىك كورەيا ساربازى وڭتۇستىك كورەيا جاعىنا قاشىپ بارعان بولاتىن.

وڭتۇستىك كورەيا بيلىگىنىڭ حابارلاۋىنشا، وسى ۋاقىتقا دەيىن ەل اۋماعىنا سولتۇستىك كورەيانىڭ 30 مىڭنان استام ازاماتى قاشىپ كەلگەن ەكەن. ولاردىڭ باسىم كوپشىلىگى وڭتۇستىك كورەيا ايماعىنا قىتاي ارقىلى وتكەن.

“The Qazaq Times”