موسۋلدىڭ بوسقىن تۇرعىندارى. فوتو: politobzor.net.

يراكتىڭ ميگراتسيا جانە بوسقىندار ءىسى مينيسترلىگىنىڭ مالىمدەمەشىسى ناۋرىز ساتتار 200 مىڭ موسۋلدىق بوسقىن ۇيلەرىنە ورالعانىن مالىمدەدى. ولاردىڭ 95 پايىزى موسۋلدىڭ شىعىس قالا اۋداندارىنىڭ تۇرعىندارى. قازىر قالانىڭ باتىس اۋداندارىنا قايتالاي قونىستاندىرۋ قولعا الىنىپ وتىر. بۇل تۋرالى «اناتولى» اقپاراتتىق اگەنتتىگىنىڭ رەسمي سايتى حابارلايدى.

قازىرگى كەزدە، قالانىڭ باتىس اۋداندارىندا تەررورلىق توپتىڭ قالدىق كۇشتەرىنىڭ قارۋلى شابۋىلدارى تولاستاي قويعان جوق. دەسە دە، قالا تولىقتاي يراك ۇكىمەتىنىڭ قاراۋىنا ءوتتى. بۇل قالانى رامازان ايىنا دەيىن ازات ەتۋ ءۇشىن يراك ۇكىمەتىنىڭ ارمياسى تاباندى تۇردە سەگىز اي ۇرىس سالعان بولاتىن. قالاداعى دايش-تىڭ قالدىق كۇشتەرىن الاستاۋ ءۇشىن، رامازان ايىندا قالاداعى ايەلدەرگە نيكاب كيۋگە تيىم سالعان بولاتىن.

سول ەلدىڭ ميگراتسيا جانە بوسقىندار ءىسى مينيسترلىگىنىڭ ەكى كۇن بۇرىنعى كورسەتكەن مالىمەتىندە، موسۋل شايقاسى باستالعان 17 قازاننان بەرى قاراي 690 مىڭ موسۋلدىق باسپاناسىن تاستاپ كەتۋگە ءماجبۇر بولعان.

“The Qazaq Times”