پاكستاننىڭ وزبەكستانداعى ەلشىسى لياز حۇسايىن بۇحار. فوتو: People.com.

شانحاي ىنتىماقتاستىق ۇيىمىنىڭ تاشكەنت قالاسىنداعى بىرلەسكەن وڭىرلىك لاڭكەستىككە قارسى تۇرۋ قۇرىلىمىنىڭ اتقارۋ القاسى ۇيىمعا جاڭادان مۇشە بولعان پاكىستان مەن ءۇندىستاندى قارسى الۋ سالتاناتتى شاراسىن وتكىزدى. ۇيىمنىڭ تاشكەنتتەگى جۇمىس عيماراتىنىڭ الدىندا تۋ شىعارۋ سالتاناتىن وتكىزدى دەپ حابارلايدى «People.com».

ءۇندىستان مەن پاكىستاننىڭ تۋىن شىعارۋ سالتىنان كەيىن، اتالعان ەلدىڭ ۇيىمداعى وكىلدەرى ءسوز سويلەپ، الداعى ۋاقىتتا بىرلەسە وڭىردەگى لاڭكەستىككە قارسى تۇرۋ ءىسىن قولعا الاتىنىن ءبىلدىردى. ءۇندىستان مەن پاكىستاننىڭ وزبەكستاندا تۇراتىن ەلشىلەرى شاراعا ارنايى كەلىپ قاتىستى.

ەستەرىڭىزگە سالا كەتەيىك، 2001 جىلى قۇرىلعان شانحاي ىنتىماقتاستىق ۇيىمى، بيىل 9 ماۋسىمدا وتكەن استانا وتىرىسىنان كەيىن تۇڭعىش رەت كەڭەيىپ، ءۇندىستان مەن پاكىستاننىڭ مۇشەلىگىن بەكىتكەن بولاتىن. بۇل رەتكى جينالىس ۇيىمنىڭ قۇرىلعاننان بەرگى 17-ءشى كەزەكتى باسشىلار جينالىسى.

“The Qazaq Times”