تەرروريستەر وڭتۇستىك ەۋروپادان باستاپ ورتالىق ازياعا دەيىن حاليفات قۇرعىلارى كەلەدى. بۇل جايىندا رف باسشىسى ۆلاديمير پۋتين امەريكالىق رەجيسسەر وليۆەر ستوۋنعا بەرگەن سۇحباتىندا ايتقان.

پۋتين ستوۋنعا بەرگەن سۇحباتىندا: «ولار قازىردىڭ وزىندە ۇلكەن كۇشكە يە. ويتكەنى ولار زاڭسىز مۇناي وندىرۋدەن، باعالى مۋزەي زاتتارىن ساتۋدان قىرۋار قارجىعا يە بولىپ وتىر. ونىڭ ۇستىنە تەررورلىق ۇيىمداردى سىرتتان قارجىلاندىراتىن ەلدەر بار. ولار وسى ارقىلى وڭتۇستىك ەۆروپادان باستاپ ورتالىق ازياعا دەيىن حاليفات قۇرۋدى جوسپارلاپ وتىر. ءبىز ولارعا بۇنى ىستەۋگە جول بەرمەۋىمىز كەرەك.» - دەدى.

ۆلاديمير پۋتين جانە وليۆەر ستوۋن.

بۇدان بولەك ۆلاديمير پۋتين سۇرياعا بايلانىستى: «ءبىز قازىردىڭ وزىندە كورىپ وتىرمىز يراك پەن ليۆيادا نە بولعانىن. بۇل اۋماقتاعى وزگەدە مەملەكەتتەردىڭ جاعدايى ءماز ەمەس. يراك پەن ليۆيادا بولعان دۇنيە تراگەديا. بۇل ەلدەردە بولعان جاعداي بيلىكتى كۇشپەن الىپ تاستاۋ عانا ەمەس بۇل ەل بيلىگىن تۇپ تامىرىمەن جويىپ جىبەرۋ. ءبىز بۇنداي جاعداي ءسۇريادا قايتالانعانىن قالامايمىز. ەگەردە ءسۇريادا بۇنداي جاعداي بولاتىن بولسا، بۇل اۋماقتا تولىقتاي حاوس ورنايدى. ءسىز بىلەسىزبە الەمنىڭ كەز كەلگەن ءدىنى زۇلىمدىقتى ناسيحاتتامايدى. يسلامدا سول سياقتى، ونىڭ ىشىندە كوپتەگەن تارماقتارى بار ونىڭ ءبىرى شەيتتەر، ءبىرى سۇننيتتەر. ءبىز كورىپ وتىرمىز ولاردىڭ اراسىندا تامىرى تەرەڭگە كەتەتىن قارسىلىق بار. بىراق مەنىڭ ويىمشا بۇنىڭ دا بولاشاقتا شەشىمى تابىلادى.»، – دەدى.

ۆلاديمير ءپۋتيننىڭ ايتۋىنشا قازىرگى تاڭدا «يسلام مەملەكەتى» لاڭكەستىڭ ۇيىمىنىڭ قاتارىندا 80 مىڭ ادام بار. ولاردىڭ 30 مىڭى الەمنىڭ 80 مەملەكەتىنەن كەلگەن جيھادشىلار.

ۆلاديمير پۋتين وليۆەر ستوۋننىڭ «ماسكەۋ حاليفات بولماي ما؟» - دەگەن سۇراعىنا «ءبىز بۇعان جول بەرە قويماسپىز. سىزدەر دۇرىستاپ قاراڭىزدار ۆاشينگتون حاليفات بولىپ كەتپەسىن.» - دەپ جاۋاپ بەرگەن.

“The QazaqTimes”