ترامپ جانە ساۋد ارابيا كورولى. فوتو: Al Jazeera.

قۇراما شتات پرەزيدەنتىنىڭ ساۋد ارابياسىنا ساپارى كەزىندە اقش جاق بۇل ەلگە قۇنى 110 ملرد اقش دوللارى تۇراتىن قارۋ-جاراق ساتىپ بەرۋ توقتامىنا قول قويعان بولاتىن. بۇل جوباعا اقش-تاعى بىرقاتار سەناتورلار مەن رەسپۋبليكاشىل پارتيانىڭ مۇشەلەرى جاعىنان قارسىلىققا ۇشىرادى. دەگەنمەن، سەناتتا داۋىسقا سالىنعان قارسىلىق 47-گە قارسى 53 داۋىسپەن جەڭىلىسكە ۇشىرادى. بۇل تۋرالى «پارس.اقپارات» اگەنتتىگىنىڭ رەسمي سايتى حابارلايدى.

اقش پرەزيدەنتى دونالد ترامپ ساۋد ارابياسىنا ساپارلاي بارعان كەزىندە قول قويىلعان توقتام بويىنشا، 110 ملرد اقش دوللارىنىڭ قارۋ-جاراعى ساتىلۋعا ءتيىس. بۇل ساۋداعا امەريكالىق زاڭ شىعارۋشىلار مەن رەسپۋبليكاشىل ءبىر توپ لاۋازىمدى قارسى تۇردى. قارسىلىقتى باستاۋشىلاردىڭ كوبى قۇراما شتات سەناتورلارى بولعان. ايتالىق، يۋتا جانە ينديانا شتاتتارىنىڭ سەناتورلارى قارسىلىق جوباسىن سەناتقا ۇسىنعان. بىراق، ەكى كۇن بۇرىن بۇل جوبا جەڭىلىسكە ۇشىرادى.

ترامپتىڭ ساۋد ارابياسىنا ساپارى امەريكا جاڭا ۇكىمەتىنىڭ ورتا-شىعىستاعى ۇستاناتىن جاڭا سىرتقى ساياساتىنىڭ بەينەسىن اشىپ كورسەتتى. ترامپ ساپارى اياقتالىسىمەن اراب ەلدەرى اراسىندا كاتار داعدارىسى ورنادى. ورتا-شىعىستاعى امەريكا ىقپالى ساۋد ۇكىمەتى ارقىلى جۇزەگە اساتىنىن الەمگە تاعى ءبىر ايگىلەدى.

“The Qazaq Times”