ستامبۇل سوتى وپپوزيتسيالىق تۇركيا حالىقتىق رەسپۋبليكالىق پارتياسىنىڭ كوشباسشىسى، پارلامەنت دەپۋتاتى ەنيس بەربەروعلىنى 25 جىلعا باس بوستاندىعىنان ايىردى.
بەربەروعلىعا «جۋمحۋريات» (رەسپۋبليكا) باسىلىمىنا تۇركيا ۇكىمەتىنىڭ بەدەلىن تۇسىرەتىن قۇپيا قۇجاتتاردى بەردى دەگەن ايىپ تاعىلعان. ستامبۇل پروكۋراتۋراسى سوتتان ەنيس بەربەروعلىنى ومىرلىك باس بوستاندىعىنان ايىرۋدى سۇراعان، بىراق سوت ونى 25 جىلعا سوتتاعان.
ەنيس بەربەروعلىنىڭ پارتيالاس جاقتاستارى بۇل ءىستى ەل بيلىگىنىڭ وپپوزيتسيا وكىلدەرىن قورقىتۋى دەپ باعالادى. ولاردىڭ ايتۋىنشا، بەربەروعلىنىڭ 25 جىلعا سوتتالۋى ەلدەگى سوت جۇيەسىنىڭ تولىقتاي بيلىك قولىندا ەكەنىنىڭ كورىنىسى.
2015 جىلدىڭ مامىر ايىندا «جۋمحۋريات» (رەسپۋبليكا) جۋرناليستەرى تۇركيانىڭ وڭتۇستىگىندە قارۋ-جاراق تيەلگەن جۇك كولىكتەرى بەينەلەنگەن ۆيدەو جاريالاعان ەدى. «جۋمحۋريات» جۋرناليستەرى بۇل قارۋدىڭ تۇركيا ارنايى قىزمەتىنە تىكەلەي قاتىسى بار ەكەندىگىن ايتىپ، قارۋ-جاراق ءسۇريا اۋماعىندا سوعىسىپ جۇرگەن لاڭكەستىك ۇيىمدارعا ارنالعاندىعى جايىندا اقپارات تاراتقان بولاتىن.
ال تۇركيا بيلىگى سۇريامەن اراداعى شەكارادا ۇستالعان جۇك كولىكتەرىندە سۇريالىق تۇركىمەندەرگە ارنالعان گۋمانيتارلىق كومەك قانا بارىن ايتقان.
2015 جىلى كۇزدە «جۋمحۋريات» (رەسپۋبليكا) گازەتىنىڭ باس رەداكتورى جان دۋردار مەن جۋرناليست ەردەم گۇل مەملەكەتكە وپاسىزدىق جاسادى، تىڭشىلىقپەن اينالىستى، ەل بيلىگىنە جالا جاپتى دەگەن ايىپپەن قاماۋعا الىنعان بولاتىن. كەيىننەن دۋردار بەس جىل، ون ايعا، ەردەم گۇل بەس جىلعا باس بوستاندىعىنان ايىرىلعان ەدى.
«جۋمحۋريات» باسىلىمىنىڭ باس رەداكتورى مەن ءجۋرناليستى ۇستىنەن سوتقا ارىزدى ەل پرەزيدەنتى رەجەپ تايىپ ەردوعاننىڭ ءوزى جازعان بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى