وپەك ەلدەرىنىڭ مۇنايدان تۇسەتىن تابىسى ازايدى

وپەك ەلدەرىنىڭ مۇناي ەكسپورتىنان تۇسەتىن جالپى تابىسى 2016 جىلى 13,2%-عا قىسقارعان. ۇيىمعا مۇشە ەلدەردەگى مۇنايدىڭ تومەنگى كورسەتكىشى سوڭعى رەت 2005 جىلى تىركەلگەن.

ياعني 2016 جىلى ەكسپورتتان تۇسكەن پايدا 445,7 ملرد دوللارعا دەيىن قىسقارعان. ال 2015 جىلى ەكسپورت تابىسى 513,4 ملرد دوللاردى قۇرادى. مۇنداي مالىمەت كارتەلدىڭ جىل سايىن جاريالاناتىن ستاتيستيكالىق شولۋىندا ايتىلعان.

وپەك ەلدەرى ەڭ مول تابىسقا 2012 جىلى جەتىپ، 1,2 ترلن دوللاردى قۇرادى.
2016 جىلدىڭ قورىتىندىسى بويىنشا وپەك ەلدەرى اراسىندا مۇناي ەكسپورتى بويىنشا كىرىسىن كوبەيتكەن مەلمەكەت ازىرگە يران عانا. كورسەتكىش 1,5 ەسەگە ءوسىپ، 41,1 ملرد دوللاردى قۇرادى.

ال فيزيكالىق تۇرعىدان العاندا 2016 جىلى وپەك ەلدەرىنىڭ ەكسپورتى 6,5%-عا ءوستى جانە تاۋلىگىنە 25 ملن باررەلدى قۇرادى.

ايتا كەتەيىك، 2016 جىلدىڭ قاراشا ايىنىڭ سوڭىندا وپەك پەن وعان مۇشە ەمەس ەلدەر اراسىندا تاۋلىگىنە وندىرىلەتىن مۇناي كولەمىن جارتى جىلعا قىسقارتۋ تۋرالى شەشىم قابىلداعان. ال وسى جىلدىڭ مامىر ايىنىڭ 25-ىندە كارتەل مەن وعان مۇشە ەمەس ەلدەر بۇل شەشىم مەرزىمىن تاعى 9 ايعا ۇزارتتى.

ال قازاقستان تاراپى وپەك پەن وعان مۇشە ەمەس ەلدەردىڭ مۇناي كولەمىن قىسقارتۋ مەرزىمىن ۇزارتۋ تۋرالى شەشىمىن قولدايتىنىن ايتقان. بۇل باعانىڭ قالىپتى دەڭگەيىن ساقتاۋ ءۇشىن قاجەت دەپ مالىمدەدى مينيسترلىكتە.

دەسەك تە بۇعان دەيىن قازاقستاننىڭ ەنەرگەتيكا ءمينيسترى قانات بوزىمباەۆ قازاقستان مۇناي كولەمىن قىسقارتۋعا قاتىستى وپەك-پەن بولعان كەلىسىم مەرزىمىن ودان ءارى ۇزارتۋعا دايىن ەمەستىگىن مالىمدەگەن. ءمينيستردىڭ سوزىنشە، قازاقستاننىڭ قارا التىن كولەمىن قىسقارتۋى كەلىسىم اياسىندا بولادى. الايدا شيكىزات ءوندىرىسىن ەندى دامىتىپ جاتقان قاشاعان سياقتى كەن ورنىنىڭ دا مۇمكىندىكتەرى ەسكەرىلۋ قاجەت.

“The Qazaq Times”