كاتارعا قاراتا اراب ەلدەرىنىڭ ايىپتاۋ سىندارى ءورشىپ كەلەدى

ساۋد ارابياسى، باحرەين، بىرىككەن اراب امىرلىگى جانە مىسىر ورتاق دەكلاراتسيا جاريالاپ، كاتارداعى 12 قايىرىمدىلىق ۇيىمى مەن 59 ادامعا «تەررورلىق ۇيىممەن استاسقان» دەگەن ايىپ تاعىپ وتىر. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

«تەررورشىل» ايىبىمەن اتالعاندار اراسىندا بۇكىلالەمدىك مۇسىلمان عالىمدار وداعىنىڭ توراعاسى، مىسىرلىق يۋسۋف ءال-كاراداۆي جانە 2001-2013 جىلدار اراسىندا كاتاردىڭ ىشكى ىستەر ءمينيسترى بولعان ءابدۋللاح يبن حاليد ءال-ساني قاتارلى ءىرى تۇلعالار دا بار.

تىزىمگە الىنعان 59 ادامنىڭ ىشىندە 26 مىسىرلىق، 18 كاتار ازاماتى، 5 ليۆيالىق، 3 كۋۆەيت ازاماتى. سونىمەن بىرگە يوردانيا جانە باحرەيننەن ەكىدەن، ساۋد ارابياسى، يەمەن جانە بىرىككەن اراب امىرلىگىنەن ءبىر-ءبىر ادام اتالعان تىزىمدىككە الىنعان.

ورتاق دەكلاراتسيا جاريالاعان 4 ەلدىڭ تەرروريزم جانە راديكاليزممەن قيمىلى، لاڭكەستەردىڭ قارجى كوزدەرىن قۇرتۋ وپەراتسياسى سونداي-اق، قوعامدى راديكال كوزقاراستاردان تازارتۋ قىزمەتتەرى ناتيجەسىندە، كاتار بيلىگىنە ءوزىنىڭ تەررورلىققا قارسى تۇرۋداعى جاۋاپكەرشىلىگىن ۇستىنە الماعانىن ايىپتاپ وتىر.

“The Qazaq Times”