Катар әмірі. Фото: Clarion Project.

Сауд Арабиясы, Бахрейн, Біріккен Араб Әмірлігі және Мысыр ортақ декларация жариялап, Катардағы 12 қайырымдылық ұйымы мен 59 адамға «террорлық ұйыммен астасқан» деген айып тағып отыр. Бұл туралы «Түрік Теле-Радио» қызметінің ресми сайты хабарлап отыр.

«Терроршыл» айыбымен аталғандар арасында Бүкіләлемдік Мұсылман Ғалымдар Одағының төрағасы, мысырлық Юсуф әл-Карадави және 2001-2013 жылдар арасында Катардың Ішкі істер министрі болған Әбдуллах Ибн Халид әл-Сани қатарлы ірі тұлғалар да бар.

Тізімге алынған 59 адамның ішінде 26 мысырлық, 18 Катар азаматы, 5 ливиялық, 3 Кувейт азаматы. Сонымен бірге Иордания және Бахрейннен екіден, Сауд Арабиясы, Йемен және Біріккен Араб Әмірлігінен бір-бір адам аталған тізімдікке алынған.

Ортақ декларация жариялаған 4 елдің Терроризм және радикализммен қимылы, лаңкестердің қаржы көздерін құрту операциясы сондай-ақ, қоғамды радикал көзқарастардан тазарту қызметтері нәтижесінде, Катар билігіне өзінің террорлыққа қарсы тұрудағы жауапкершілігін үстіне алмағанын айыптап отыр.

“The Qazaq Times”