فوتو: Dosug.md

ۇلىبريتانيا پوليتسياسى لوندوندا تەررورلىق شابۋىل جاساعان لاڭكەستەردىڭ دايىندالاتىن سپورت كلۋبىنا ءتىنتۋ جۇرگىزدى.

ماۋسىمنىڭ 8 كۇنى ۇلىبريتانيا پوليتسياسى لوندوننىڭ يلفورد اۋدانىندا ورنالاسقان مۇسىلمانداردىڭ Ummah Fitness سپورت كلۋبىنا ءتىنتۋ جۇرگىزگەن. لوندون قۇقىق قورعاۋ ورگاندارىنىڭ مالىمەتىنشە بۇل كلۋبتا ەل اۋماعىندا تەررورلىق شابىل جاساعان لاڭكەستەر دايىندالعان.

Ummah Fitness سپورت كلۋبىندا لوندوندا تەررورلىق شابۋىل جاساعان ءۇش لاڭكەستىڭ ەكەۋى دايىندىقتان وتكەن. تەكسەرۋ بارىسىندا بەينە باقىلاۋعا لوندوندا لاڭكەستىك شابۋىل جاساعان حۋمار باتت، يۋسسەف زاگبا جانە راشيد رەدۆان ءتۇسىپ قالعان.

Ummah Fitness سپورت كلۋبىن 2005 جىلعى لوندونداعى تەراكتىگە قاتىسى بار اعايىندى شاحيتتار ءادىل مەن سادجيل باسقارعان.

“The Qazaq Times”