باشار اساد پەن اقش اراسىندا قاقتىعىس: اقش ۇشقىشى ءسۇريادا ۇشقىشسىز ۇشاقتى اتىپ ءتۇسىردى

قۇراما شتات اسكەري كۇشتەرىنىڭ حابارلاۋىنشا، اقش اۋە ارمياسىنىڭ ءبىر ۇشقىشى ءسۇريانىڭ وڭتۇستىگىندە اقش-تىڭ سونداعى نەگىزگى اسكەري كۇشتەرىنە وق جاۋدىرعان ۇشقىشسىز ۇشاقتى اتىپ تۇسىرگەن. بۇل اقش پەن سۇرياداعى باشار اساد جانە ونىڭ جاقتاستارى اراسىنداعى شيەلەنىستىڭ ۋشىعۋىن بىلدىرەدى دەيدى اقۇي تاراپى. بۇل تۋرالى «The Wall Street Journal» باسىلىمى حابارلاپ وتىر.

بۇل ۇشقىشسىز ۇشاق وسىدان بۇرىن ءسۇريا وڭتۇستىگىندەگى اقش نەگىزگى  اسكەري بازالارى مەن ءسۇريانىڭ قارۋلى پاترۋلدەر توبىنا شابۋىل جاساعان بولاتىن. اقش قارۋلى كۇشتەرى ءسۇريا، يوردانياعا جانە يراك ءۇش ەلدىڭ شەكاراسىنا جاقىن ماڭدا اسكەري وپەراتسيالار جاساعان.

قۇراما شتاتتىڭ سۇرياداعى اسكەريلەرىنىڭ بەرگەن حابارىنا قاراعاندا، بۇل جولعى شابۋىلدان اقش اسكەرلەرى ادام شىعىنىنا ۇشىراماعان. الايدا بۇل باشار اساد كۇشتەرىمەن اقش اراسىنداعى تىرەستى جاعدايدىڭ ۇلعايىپ بارا جاتقانىن بىلدىرەدى دەپ وتىر.

“The Qazaq Times”