بيرما. فوتو: Daily Express.

7 ماۋسىم كۇنى ميانما مەملەكەتتىك قورعانىس مينيسترلىگى 120 ادام وتىرعان اسكەري ىستەر تاسىمالىنا ارنالعان ۇشاق، سول كۇنى تۇستەن كەيىن وسى ەلدىڭ وڭتۇستىگىندە كەنەتتەن جوعالعانىن مالىمدەدى دەپ حابارلادى "شينحۋا"-نىڭ رەسمي سايتى.

جوعالعان اسكەري ۇشاقتىڭ جوعالماي تۇرعان كەزى. فوتو: Wikipedia.

بۇل ۇشاق جەرگىلىكتى ۋاقىت 13: 06 - دا دەليندا ايماعىنا قاراستى تەڭىز جاعاسىنداعى  دانلاۋ قالاسىنان يانگونعا قاراي ۇشقان. 13: 35 تە وسى ايماقتىڭ ورتالىعى داۆەي قالاسىنىڭ باتىسىنا قاراي 32 شاقىرىم تەڭىز ۇستىندە بايلانىستان اجىراپ قالعان. ۇشاقتا دانلاۋداعى اۋە ارميا بازاسىنىڭ 106 اسكەري ادامدارى مەن 14 ۇشاق قىزمەتكەلەرى بولعان. قازىر ميانما اسكەريلەرى ءتورت كەمە جانە 2 ۇشاقتى اتتانىسقا كەلتىرىپ، ىزدەۋدى جالعاستىرۋدا.

ميانما-نىڭ تاعى ءبىر اسكەري شەندىسى جوعالعان ۇشاقتىڭ پارشالانعان سىنىقتارى تابىلعانىن، قارا جاشىك تابىلماعانىن ايتقان. ال، جەرگىلىكتى مەديالاردىڭ ءبىرى اپاتقا ۇشىراعان ۇشاقتا تەك 3 اق ادام امان قالدى دەپ حابارلاعان.

قازىرگە دەيىن جوعالعان ۇشاق جونىندە رەسمي سەنىمدى مالىمەت الەم اقپارات كوزدەرىنە جەتپەي وتىر.

دايىنداعان: ادىلەت احمەتۇلى

“The Qazaq Times”