فيليپپيندەگى لاڭكەستىك توپتاردى حالىقارالىق ۇيىمدار قارجىلاندىرىپ وتىر

فيليپپين قاۋىپسىزدىك قىزمەتى ەل اۋماعىندا سوعىسىپ جۇرگەن «يسلام مەملەكەتى» لاڭكەستىك ۇيىمىنىڭ جاقتاستارىنا قارسى وتكىزگەن ارناي وپەراتسيا كەزىندە 79 ميلليون فيليپپين پەسوسى (1,5 ميلليون دوللار) تاركىلەندى.

فيليپپين بىرىككەن ارنايى جاساق توبىنىڭ وكىلى پودپولكوۆنيك دجو-ار حەررەرانىڭ (Jo-Ar Herrera) ايتۋىنشا، ارنايى وپەراتسيا كەزىندە ماپاندي (Mapandi) اۋماعىنداعى ۇيلەنردىڭ بىرىنەن 52 ميلليون پەسو اقشالاي، 27 ميلليون پەسو چەك تۇرىندە تابىلعان.

دجو-ار حەررەرانىڭ (Jo-Ar Herrera) مالىمەتىنشە فيليپپين اۋماعىنداعى تەرروريستىك توپتاردى حالىقارالىق لاڭكەستىك ۇيىمدار قارجىلاندىرادى. بىراق ازىرگە تابىلعان 1,5 ميلليون دوللاردى ەل اۋماعىنا كىم، قالاي، الىپ كەلگەندىگى بەلگىسىز.

ماپانديدەگى (Mapandi) ارنايى وپەراتسيا كەزىندە 120 لاڭكەستىك كوزى جويىلعان، 38 بەيبىت تۇرعىنمەن 38 ارنايى جاساق ساربازى كوز جۇمعان.

“The Qazaq Times”