شانحاي ىنتىماقتاستىق ۇيىمىنىڭ ساياسي سالماعى ارتىپ كەلەدى

رەسمي استانا ماۋسىمنىڭ 8-9 كۇندەرى ارالىعىندا شانحاي ىنتىماقتاستىق ۇيىمىنىڭ ءسامميتىن وتكىزبەك.

استانادا وتەتىن سامميتكە رەسەي، وزبەكستان، قىتاي، تاجىكستان پرەزيدەنتتەرى مەن ءۇندىستان جانە پاكىستان پرەمەر-مينيسترلەرى قاتىسادى دەپ كۇتىلۋدە. ال قىرعىزستان پرەزيدەنتى المازبەك اتامباەۆتىڭ قاتىسۋ، قاتىسپاۋى جايىندا ەشقانداي رەسمي اقپارات تاراماعان.

«اقش، ناتو، ەۆروپا ەلدەرى اراسىنداعى قارىم-قاتىناس داعدارىسى كەزىندە شىۇ ءۇندىستان مەن پاكىستاننىڭ كىرۋى تاريحي ءسات.» دەدى شىۇ باس حاتشىسى راشيد اليموۆ رەسەيلىك تاسس اقپارات اگەنتتىگىنە بەرگەن سۇحباتىندا.

شانحاي ىنتىماقتاستىق ۇيىمىنىڭ بۇل جولعى ءسامميتى الەمدىك گەوساياساتتا ۇلكەن وزگەرىستەر الىپ كەلەتىنى ءسوزسىز. ولاي دەيتىن ءسابابىمىز ناتو، اقش، ەۆروپا ەلدەرىنىڭ وداعى السىرەي باستاعان تۇستا، شىۇ-نا اتوم بومبىسىمەن قارۋلانعان ءۇندىستان مەن پاكىستاننىڭ قوسىلۋى بۇل ۇيىمنىڭ الەمدىك دارەجەدە ساياسي سالماعىن ارتتىرايىن دەپ تۇر.

“The Qazaq Times”