ەكسپو قارساڭىندا پاتەرلەردىڭ باعاسى اكىمدىك تاراپىنان قاتاڭ باقىلاۋدا

پايدا تابۋدا اسىرا ارەكەت ەتەتىن پاتەرلەردى جالعا بەرۋشىلەرمەن نارىق مەحانيزمى ارقىلى كۇرەس جۇرگىزىلەدى، دەپ حابارلايدى ەلوردا اكىمدىگىنىڭ مەديا-ورتالىعى. 

ەكسپو-عا كەلەتىن شەتەل تۋريستەرى استانانىڭ اۋەجايلار مەن تەمىر جول ۆوكزالدارىندا قوناق ۇيلەردەگى، جاتاقحانالارداعى، حوستەلدەردەگى بوس ورىندار مەن باعاسى تۋرالى بىلە الادى، دەپ مالىمدەدى استانا قالاسى اكىمىنىڭ ورىنباسارى ماليكا بەكتۇروۆا.

-ۇشىپ كەلگەن سوڭ اقپاراتتىق دۇڭگىرشىكتەرى ارقىلى قوناق ۇيدەن الدىن الا ورىن الا الادى. وندا اعىلشىن تىلىندە قىزمەت كورسەتەدى. بۇل قاۋىپسىز ءارى باعاسى دا ناقتى بەلگىلەنگەن. جالعا بەرۋ قۇنىن ءبىز قاداعالاپ وتىرامىز. ءبىز باعانى تۇراقتاندىرۋدى قامتاماسىز ەتۋ ءۇشىن بەلگىلى باعالارمەن پاتەرلەر پۋلىن قۇرعان بولاتىنبىز. ياعني ارزانداتىلعان باعا ۇسىنىلسا، قىمبات باعا ەكىنشى كەزەكتە قارالادى. ءبىز بارىنشا باعانىڭ قالىپتاسۋىن تەك نارىق ادىسىمەن رەتتەدىك، - دەدى م.بەكتۇروۆا

ەلوردا بيلىگى تۋريستەرگە قوناق ۇيلەردەگى باعالار مەن بوس ورىندار تۋرالى ارنايى قوسىمشالاردى پايدالانۋعا كەڭەس بەرەدى.

حالىقارالىق ماماندانداندىرىلعان ەكسپو كورمەسى 10 ماۋسىم كۇنى جۇمىسىن باستايدى.

بۇگىنگى كۇنگە دەيىن كورمەگە 1 ميلليوننان استام بيلەت ساتىلعان.

“The Qazaq Times”