ۇلىبريتانيالىق 42 جاستاعى «ۇشاتىن ادام» اتانعان Fraser Corsan 5 ماۋسىمدا اقش-تىڭ كاليفورنيا شتاتىنداعى ديۆەيستە ون مىڭ مەتردەن جوعارى بيىكتىكتە ۇشىپ، ءبىر جولدا دۇنيەجۇزىلىك ءۇش رەكوردتى جاڭالادى. ول جانە الەمدەگى ەڭ العاشقى ۇشاتىن ادام اتاعىن ەنشىلەندى. بۇل تۋرالى "شينحۋا"-نىڭ رەسمي سايتى جاريالاپ وتىر.
Fraser Corsan.فوتو: Frost Magazine.
ول دەنەسىنە ۇشۋعا ارنالعان كيىم كيىپ، ديۆەيس كەڭىستىگىندە 10700 مەتر بيىكتىكتە 9741 مەترگە دەيىنگى ارالىققا قالىقتاعان. ونىڭ جىلدامدىعى 249 اعىلشىن ميلگە جەتكەن. Fraser Corsan گيننەس رەكوردتار كىتابىنا «ەڭ بيىك، ەڭ تەز، ەڭ ۇزاق ۇشقان ادام» اتىمەن ەندى.
رەكورد الدىنداعى قادام. فوتو: Daily Mail
ادامداردىڭ قۇستاي سامعاپ ۇشقىسى كەلەتىن ۇشقىر ارمانى بۇدان مىڭداعان جىلدار بۇرىن تۋىنداعان. العاشىندا اۋەسكەرلەر الىپ قۇستاردىڭ قاناتىن بايلاپ الىپ، تاۋەكەلشىلدىكپەن بيىك قۇزداردان تومەن سەكىرگەن. الايدا، بارلىعى مەرت بولىپ تىنعان. كەيىننەن، وسىناۋ ۇلى ارمانداردىڭ جەتەگىندە ادامدار اقىرى ۇشاقتى تاپقىرلاپ شىققانى بەلگىلى. ون شاقىرىم بيىكتىكتە، ون شاقىرىم ارالىققا ەركىن قالىقتاعان Corsan – نىڭ بۇگىنگى بۇل رەكوردى كىم كىسىگە دە وي سالادى. كىم ءبىلسىن، ساناۋلى جىلداردان كەيىن، ادامدار اسپاندا قۇستاي ەركىن سامعايدى دەگەن عىلىمي بولجام دا كەلەشەكتە شىندىققا ۇلاسار.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى