ءفيليپپيننىڭ ماراۆي قالاسىندا كوزى جويىلعان لاڭكەستەردىڭ اراسىندا شەشەنستان ازاماتتارى بار دەپ حابارلايدى Reuters اقپارات اگەنتتىگى.

فيليپپين قورعانىس ءمينيسترى دەلفين لورەنزانانىڭ مالىمەتىنشە، وتكەن اپتادا ماراۆي قالاسىندا بولعان ارنايى وپەراتسيادا ەل اۋماعىندا سوعىسىپ جۇرگەن 8 وزگە ەلدىڭ ازاماتىنىڭ كوزى جويىلعان. ولاردىڭ ىشىندە ساۋد ارابياسىنىڭ، يندونەزيانىڭ، مالايزيانىڭ، يەمەننىڭ جانە شەشەنستاننىڭ ازاماتتارى بولعان.

بۇعان دەيىن فيليپپين پرەزيدەنتى رودريگو دۋتەرتە «يسلام مەملەكەتى» سودىرلارىمەن اسكەري قاقتىعىستان كەيىن. ماراۆي قالاسى ورنالاسقان مينداناو پروۆينتسياسىندا اسكەري جاعداي جاريالاعان بولاتىن.

“The Qazaq Times”