اقش بالليستيكالىق قارۋدى جويۋعا ارنالعان زىمىراندارىن سىناقتان وتكىزدى

اقش قورعانىس مينيسترلىگىنىڭ حابارلاماسىنا سايكەس، سەيسەنبى كۇنى اسكەريلەر قۇرلىق ارالىق بالليستيكالىق زىمىرانداردى جەرگە جەتكىزبەي جويىپ جىبەرۋگە ارنالعان زىمىراندى سىناقتان وتكىزدى.

باسقارمانىڭ مالىمەتىنشە، كاليفورنيادان ۇشىرىلعان زىمىرانعا قارسى باعىتتالعان قارۋ مارشالل ارالدارىنان ۇشىرىلعان بالليستيكالىق زىمىرانعا «تۋرا سوقتىعىسىپ»، ونىڭ جەرگە ءتۇسىپ جارىلۋىن الدىن العان.

وسى جىلدىڭ باسىنان باستاپ سولتۇستىك كورەيانىڭ سان مارتە وتكىزگەن بالليستيكالىق زىمىراندارىنىڭ سىناقتارىنان اقش اسكەرى دە قورعانىستى نىعايتقان.

اقش-تىڭ ZWD زىمىرانعا قارسى قورعانىس كەشەنى 2005 جىلى پايدالانۋعا بەرىلگەن بولاتىن. ول جەر اتموسفەراسىنان تىس كەڭىستىكتە قۇرلىقارالىق بالليستيكالىق زىمىرانداردى جويىپ جىبەرۋگە ارنالعان. بۇگىندە الياسكا مەن كاليفورنيادا  30 زىمىرانعا قارسى قۇرىلعىلار ورناتىلدى، ال تاعى 15-ءى 2017 جىلدىڭ سوڭىنا دەيىن قۇراستىرىلادى دەپ جوسپارلانعان.

“The Qazaq Times”