الماتىدا فرانتسۋزدىڭ برەند دۇكەنى جابىلادى

الماتىدا بىلتىر عانا اشىلعان Carrefour دۇكەنى جابىلدى. بۇل تۋرالى  Carrefour Kazakhstan گيپەرماركەتىنىڭ فەيسبۋكتاعى پاراقشاسىندا جازىلدى. 

«بىزبەن بىرگە ساۋدا جاساعانىڭىز ءۇشىن سىزگە العىس بىلدىرگىمىز كەلەدى جانە 2 شىلدەدەن  باستاپ Carrefour Kazakhstan گيپەرماركەتىنىڭ جابىلاتىنىن ەسكە سالامىز",  - دەلىنگەن فەيسبۋك پاراقشاسىندا.

ايتا كەتەيىك، فرانتسۋزدىق Carrefour دۇكەنى 2016 جىلدىڭ اقپان ايىندا الماتى قالاسىنداعى Grand Park Almaty ساۋدا ۇيىندە اشىلعان ەدى. دۇكەننىڭ اشىلۋىندا فرانتسيانىڭ باس كونسۋلى پاتريك رەنار قاتىسىپ، ازىق-تۇلىك، تۇرمىستىق تاۋارلار، تەحنيكا، سپورت تاۋارلارىمەن قاتار 30 مىڭعا جۋىق ءونىم تۇرلەرى ۇسىنىلعان. سونداي-اق، Carrefour-دىڭ ونداعان دۇكەنىن اشۋ جوسپارلانعان بولاتىن. ءتىپتى دۇكەننىڭ جۇمىسىمەن تانىسۋ ءۇشىن پرەزيدەنت نۇرسۇلتان نازارباەۆ تا كەلگەن.

وسى كەزدە دۇكەن اشىلا سالا پرەزيدەنتتىڭ سىنىنا قالعان. پرەزيدەنت دۇكەندى ارالاۋ كەزىندە تاقتايشاعا جازىلعان سوزگە سىن ايتقان. وسىلايشا، العاشقى اشىلۋىندا-اق  "گريازنىي" دەپ جازىلعان ءسوزى ءۇشىن ەسكەرتۋ العان دۇكەن جۇمىسىن توقتاتادى.

“The Qazaq Times”