اقش قورعانىس ءمينيسترى: سولتۇستىك كورەيا سوعىسى كوپ ەلگە شىعىن اكەلەتىن اۋىر اپات

اقش قورعانىس مينيسترلىگىنىڭ باسشىسى دجەيمس مەتتيس سولتۇستىك كورەيامەن سوعىس باستالعان جاعدايدا، بۇل سوعىستىڭ زاردابى بارلىق ايماقتارعا اسەر ەتەدى دەدى. بۇل تۋرالى «تۇرىك تەلە-راديو» قىزمەتى رەسمي سايتى حابارلاپ وتىر.

اقش قورعانىس ءمينيسترى سوزىندە: « سولتۇستىك كورە ايماقتا وڭتۇستىك كورەيا مەن جاپونياعا قاتەر ءتوندىرىپ وتىرعانى انىق. ەگەر كەلىسسوزدەر ىسكە اسپاي، بەيبىت ءبىتىم جۇزەگە اسپاسا وندا اسكەري ارەكەتتەرگە كوشۋىمىز مۇمكىن. ال ەگەر، سولتۇستىك كورەيامەن ارادا سوعىس بولاتىن بولسا بۇل قىتاي جانە رەسەيدى قامتىعان بۇكىل ايماقتى شارپيدى»، – دەدى.

سولتۇستىك كورەيادا قازىر سەۋل قالاسىن اتقىلاي الاتىن جۇزدەگەن زەڭبىرەگى بار ارتيللەريالىق قوسىنعا يە. ونىڭ ۇستىنە بالليستيكالىق زىمىرانداردى دا ءوندىرىپ وتىر. تۋىلۋى ىقتيمال بولعان بۇل سوعىس شىنىمەن دە بۇرق ەتە قالسا كوپتەگەن ەلدى شىعىنعا باتىراتىن اۋىر اپات بولادى دەپ كورسەتتى اقش ءمينيسترى.

وسى ايدىڭ ورتا شەنىنەن بەرى تىنشي قالعان سولتۇستىك كورەيا ماسەلەسى، زىمىران سىناعىنان كەيىن قايتالاي قىزا ءتۇستى. كەلىسسوزدەردىڭ قالاي قاشان جۇرگىزىلەتىنى تۋرالى اقپارات ءالى كۇنگە دەيىن الەمدىك اقپارات كەڭىستىگىندە ءسوز بولماي كەلەدى.

“The Qazaq Times”