ۇلىبريتانيا ەشبىر كەلىسسوزگە قاراماستان ەۋرووداقتان شىعۋى مۇمكىن

ۇلىبريتانيا بريۋسسەلمەن ارنايى كەلىسىم جاساماي ەۋروپالىق وداقتان شىعۋى مۇمكىن. بۇل تۋرالى كورولدىكتىڭ پرەمەر-ءمينيسترى تەرەزا مەي مالىمدەدى. وىڭ سوزىنشە، ەگەر ەو  Brexit شارتتارىمەن كەلىسپەسە، كورولدىك كەلىسسوز جۇرگىزۋدەن باس تارتادى. 

ء"بىز دۇرىس كەلىسىم جاسالۋ ءۇشىن كەلىسسوز جۇرگىزەمىز، الايدا مەن ايتقانداي كەلىسىم ناشار جۇرگىزىلسە ونى قابىلدامايمىز. ءبىز ەشبىر كەلىسىمسىز وداقتان شىعۋعا دايىنبىز", - دەدى پرەمەر-مينيستر.

مەيدىڭ سوزىنشە، ەو تاراپىنان بولاتىن كەلىسىم شارتتارى ۇلىبريتانيانى قاناعاتتاندىرماسا جانە وداق سول كەلىسىمدى بەكىتۋگە ىنتالى بولسا وندا مەملەكەت كەلىسىمىنەن باس تارتادى. سەبەبى Brexit ەلدىڭ بولاشاعىن جاقسارتۋعا بەرىلگەن ۇلكەن مۇمكىندىك.

ال بۇدان بۇرىن بريۋسسەلمەن جاسالاتىن كەلىسسوزدەن باس تارتىلۋى مۇمكىن ەكەنىن ۇلىبريتانيانىڭ ەو-دان شىعۋ ماسەلەلەرى جونىندەگى ءمينيسترى دەۆيد دەۆيس ايتقان. ونىڭ ايتۋىنشا، وداق Brexit كەلىسىمىن ماقۇلداۋ ءۇشىن كوپ مولشەردە وتەماقى سۇراعان كورىنەدى.

ال ەو وكىلدەرىنىڭ مالىمەتىنشە، ۇلىبريتانيانىڭ وداقتان ەشبىر كەلىسىمسىز شىعۋ مۇمكىندىگى  50%-دان جوعارى. Financial Times اگەنتتىگىنىڭ مالىمەتىنشە، ەلدىڭ وداقتان شىعۋ قۇنى 60 ملرد ەۋرودان 100 ملرد ەۋروعا دەيىن ارتۋى مۇمكىن.

ەسكە سالايىق، ۇلىبريتانيا  2016 جىلدىڭ 23 ماۋسىمىندا ەۋروپالىق وداقتان شىعۋ ءۇشىن رەفەرەندۋم وتكىزگەن.  ناتيجەسىندە بريتاندىقتاردىڭ 51,9%-ى ەلدىڭ ەۋروپالىق وداقتان شىعۋىن قولداپ، داۋىس بەردى. ال 48,1%-ى قارسىلىق بىلدىرگەن ەدى.

وسىدان سوڭ مەملەكەتتىڭ ۇكىمەت باسشىسى دەۆيد كەمەرون ءوزىنىڭ وتستاۆكاعا كەتەتىنىن مالىمدەدى. ونىڭ مۇنداي شەشىمدى قابىلداۋى ۇلىبريتانيانىڭ ەۋرووداق قۇرامىندا قالۋ تۋرالى ۇسىنىستى قولداۋىمەن بايلانىستى بولعان.

“The Qazaq Times”