Forbes جۋرنالى 2017 جىلدىڭ ەڭ باي فۋتبولشىلارىنىڭ ءتىزىمىن جاريالادى

Forbes جۋرنالى 2017 جىلدىڭ ەڭ باي فۋتبولشىلارىنىڭ ءتىزىمىن جاريالادى.

Forbes جۋرنالىنىڭ ەسەبى بويىنشا 2017 جىلى الەم بويىنشا ەڭ باي فۋتبولشىسى، پورتۋگاليا ۇلتتىق قۇراماسى مەن يسپانيالىق «رەال»  فۋتبول كلۋبىنىڭ ويىنشىسى كريشتيانۋ رونالدۋ بولعان. ونىڭ 2016 جىلدىڭ 1 ماۋسىمىنان، 2017 جىلدىڭ 31 مامىرى ارالىعىندا تاپقان تابىسى 90 ميلليون دوللاردى قۇراعان. ونىڭ 58 ميلليونى ايلىق جالاقىسى مەن كلۋبتان العان بونۋسى بولسا، قالعان قاراجاتى جارنامالىق كونتراكتىلەرگە تيەسىلى بولعان.

ال ەكىنشى ورىندا «بارسەلونا» ويىنشىسى لەونەل مەسسي، ول ءبىر جىلدا 80 ميلليون دوللار اقشا تاپقان. ءۇشىنشى ورىندا تاعى ءبىر «بارسەلونا» فۋتبول كلۋبىنىڭ ويىنشىسى نەيمار. ول 2016/2017 جىلعى ماۋسىمدا ءوز بايلىعىن 37 ميلليون دوللارعا ەسەلەگەن.

ءتورتىنشى، بەسىنشى ورىنداردا «رەال» مەن «مانچەستەر يۋنايتەد» ويىنشىلارى گارەد بەيل مەن زلاتان يبراگيموۆيچ. ولاردىڭ جىلدىق تابىسى 34-32 ميلليون دوللاردى قۇراعان.

“The Qazaq Times”