ناتو دايش-پەن بەتپە-بەت سوعىسا المايتىنىن ايتتى

ناتو بريۋسسەلدەگى وتىرىستان كەيىن الەمدىك تەررورلىق توپ دايش-پەن كۇرەسۋگە شەشىم قابىلدادى. الايدا، تىكەلەي مايدان دالاسىنا بارمايتىن بولىپ شەشتى. بۇنى ۇيىمنىڭ باس حاتشىسى يەنس ستولتەنبەرگ بريۋسسەلدەگى جينالىستان كەيىنگى ءباسپاسوز ءماسليحاتىندا ءمالىم ەتتى.

تۇرىك باسپاسوزدەرىنىڭ حابارىنا قاراعاندا، ناتو باس حاتشىسى مالىمدەمەسىندە: دايش-قا قارسى تۇرۋ حالىقارالىق بىرلەستىگىنە قولداۋ ءبىلدىرىپ، شارلاۋشى ۇشاقتاردى كوپتەپ شىعارادى. بارلاۋ-انىقتاۋ قىزمەتتەرىندە بىرلەستىككە كومەك كورسەتەدى. الايدا، تىكەلەي اسكەري ارەكەتتەر الىپ بارمايتىنىن ايتقان. ول سوزىندە: «ناتو حالىقارالىق بىرلەستىككە مۇشە بولادى. بۇل ءبىزدىڭ تىكەلەي ارالاسادى دەگەن ءسوز ەمەس، الايدا، جاھاندىق تەرروريزمگە قارسى تۇرۋدى قولداۋ ماقساتىنا ءۇن قوسۋ ءۇشىن بۇل شەشىمگە كەلدىك» دەدى.

بۇل رەتكى بريۋسسەلدەگى ماجىلىستەن كەيىن ناتو-عا مۇشە ەلدەردىڭ قارجى ءبولۋى تەڭ كۇيدە جۇرىلەتىن بولىپ شەشىلدى. ترامپ اقش بيلىگىنە كەلە سالىپ وسى ۇسىنىستى ورتاعا قويعان بولاتىن. بۇل جولى ماجىلىستە اقش پرەزيدەنتى دە كەلىپ قاتىستى. وداققا مۇشە ەلدەر بۇدان كەيىن تەڭدەي ورتاق قارجى قوسادى.

“The Qazaq Times”