فوتو: Zbroya.info.

اقش-تىڭ يراكقا بولگەن قارۋ-جاراعى ءىز توزسىز جوعالدى دەپ مالىمدەدى پەنتاگون ءباسپاسوز مالىمدەمەشىسى. قۇنى 1 ملرد اقش دوللاردان اساتىن قارۋ جاراقتىڭ قازىرگى دەرەكسىز كەتكەنى ءۇشىن، اقش قورعانىس دەپارتامەنتى ارناۋلى راپورت جاريالاپ وتىر. بۇل تۋرالى «اناتولى» اگەنتتىگى رەسمي سايتى حابارلايدى.

پەنتاگوننىڭ ارناۋلى راپورتىندا يراك ارمياسىنىڭ وقۋ-جاتتىعۋى ءۇشىن بەرىلگەن، قۇنى 1 ملرد دوللاردان استام اسكەري-قۇرال جابدىقتاردىڭ ەش تىركەۋسىز، قاداعالاۋسىز قالعاندىعى ايتىلعان. يراك ۇكىمەتىنەن وتكەن جىلعى قىركۇيەك ايىندا قارۋلاردىڭ تىركەلۋى تۋرالى مالىمەتتەردى اشىق كورسەتۋدى تالاپ ەتكەن. الايدا، يراك تارابىنان بۇل جۇمىستار كەشىكتىرىلىپ اقىرى بۇل قارۋلاردىڭ قازىر قايدا، جانە كىمدەردە ەكەنى تۋرالى مالىمەت بۇتىندەي انىق ەمەس كۇيدە قالعان.

يراك پەن اقش اراسىنداعى قارۋ ساۋداسى ءار جىلى بولىپ تۇرادى. موسۋل قالاسىن ازات ەتۋ سوعىسى الدىندا دا يراك اسكەري كۇشتەرى اقش-تان كوپ مولشەردە قارۋ ساتىپ العان بولاتىن. يراكتىڭ سولتۇستىگىندەگى كۇرد ايماعىن قورعاۋ ءۇشىن دە بەر اي بۇرىن ەكى ەل اراسىندا قارۋ ساۋداسى جاسالعان.

“The Qazaq Times”