اقش اسكەريلەرى موسۋلدى اۋەدەن اتقىلاۋ كەزىندە 105 بەيبىت تۇرعىن كوز جۇمعانىن مويىندادى دەپ حابارلايدى ۆۆس اقپاراتتار قىزمەتى.

يراكتاعى اقش اسكەري باسشىلىعى موسۋلداعى «يسلام مەملەكەتى» لاڭكەستىك ۇيىمىنىڭ سودىرلارى جاسىرىنعان عيماراتتى اتقىلاۋ كەزىندە 105 بەيبىت تۇرعىن كوز جۇمعانىن مويىندادى.

ولاردىڭ ايتۋىنشا اۋەدەن اتقىلاۋ كەزىندە عيماراتتىڭ ىشىندە قارۋ-جاراق قويماسى بار ەكەندىگىن بىلمەگەن. سالدارىنان قارۋ-جاراق قويماسى جارىلىپ، عيمارات جەرمەن-جەكسەن بولىپ، 105 بەيبىت تۇرعىن ءۇيىندى استىندا قالعان.

اقش اسكەريلارىنىڭ ايتۋىنشى، عيمارات ىشىندە لاڭكەستەردەن بولەك بەيبىت تۇرعىنداردىڭ بار ەكەندىگىن ءبىلۋ مۇمكىن ەمەس بولعان.

جەرگىلىكتى باق وكىلدەرىنىڭ مالىمەتىنشە موسۋلداعى اقش اسكەريلەرىنىڭ بومبىلاۋىنان 105 ادام ەمەس، 200-دەن اسا بەيبىت تۇرعىن كوز جۇمعان.

“The Qazaq Times”