АҚШ әскерилері Мосулды әуеден атқылау кезінде 105 бейбіт тұрғын көз жұмғанын мойындады деп хабарлайды ВВС ақпараттар қызметі.

Ирактағы АҚШ әскери басшылығы Мосулдағы «Ислам мемлекеті» лаңкестік ұйымының содырлары жасырынған ғимаратты атқылау кезінде 105 бейбіт тұрғын көз жұмғанын мойындады.

Олардың айтуынша әуеден атқылау кезінде ғимараттың ішінде қару-жарақ қоймасы бар екендігін білмеген. Салдарынан қару-жарақ қоймасы жарылып, ғимарат жермен-жексен болып, 105 бейбіт тұрғын үйінді астында қалған.

АҚШ әскериларінің айтуыншы, ғимарат ішінде лаңкестерден бөлек бейбіт тұрғындардың бар екендігін білу мүмкін емес болған.

Жергілікті БАҚ өкілдерінің мәліметінше Мосулдағы АҚШ әскерилерінің бомбылауынан 105 адам емес, 200-ден аса бейбіт тұрғын көз жұмған.

“The Qazaq Times”