وپەك-ءتىڭ قۇرامىنا تاعى ءبىر ەل كىردى

وپەك ەلدەرى ەكۆاتورلىق گۆينەيا ەلىنىڭ كارتەل قۇرامىنا كىرۋ تۋرالى ءوتىنىشىن ماقۇلدادى. بۇل ەلدە ەكسپورتتالاتىن مۇناي جالپى ەكسپورتتىق كىرىستىڭ 90%-ىن قامتاماسىز ەتەدى.  بۇل تۋرالى Reuters اگەنتتىگى حابارلاپ وتىر. 

ەكۆاتورلىق گۆينەيانى وپەك قۇرامىنا كىرگىزۋگە دايىندىق جۇمىستارىنىڭ ءجۇرىپ جاتقانى تۋرالى كارتەلدىڭ  ۆەنادا ءوتىپ جاتقان جينالىسىندا ساۋد ارابياسىنىڭ مۇناي ءمينيسترى حاليد ال-فاليح مالىمدەگەن.

ەكۆاتورلىق گۆينەيا ۇيىمعا مۇشە بولۋ تۋرالدى ءوتىنىشتى 2017 جىلدىڭ قاڭتار ايىندا بەرگەن. ەلدىڭ ەنەرگەتيكا ءمينيسترى  گابريەل مباگا وبيانگ مۇنداي شەشىمدى گۆينەيا مەن وپەك ەلدەرىنىڭ ۇستانىمدارى سايكەس بولعاندىقتان قابىلدانعانىن ايتقان.

ەكۆاتورلىق گۆينەيا تروپيكالىق افريكا ەلدەرى اراسىندا مۇناي ءوندىرىسى بويىنشا ءۇشىنشى ورىندا. 2015 جىلى شيكىزات ءوندىرىسىنىڭ جالپى كولەمى 1,1 ملرد باررەل بولعان. ال ءبىر تاۋلىكتە وندىرىلەتىن مۇناي كولەمى ورتاشا ەسەپپەن - 289 مىڭ باررەل.

2016 جىلدىڭ سوڭىندا ەكۆاتورلىق گۆينەيا وپەك-ءتىڭ قارا التىن ءوندىرىسىن قىسقارتۋ تۋرالى العاشقى كەلىسىمىن ماقۇلداپ، ءوندىرىستى تاۋلىگىنە 12 مىڭ باررەلگە دەيىن قىسقارتۋعا مىندەتتەلگەن.

قازىرگى تاڭدا وپەك قۇرامىندا 13 ەل بار:  الجير، انگولا، ۆەنەسۋەلا، گابون، يراك، يران، كۋۆەيت، ليۆيا، نيگەريا، كاتار، بىرىككەن اراب امىرلىگى، ساۋد ارابياسى، اراۆيا جانە ەكۆادور. ال 2016 جىلدىڭ قاراشاسىندا يندونەزيا كارتەل قۇرامىنان شىقتى.

“The Qazaq Times”